استانانىڭ مەديتسينا قىزمەتكەرلەرى ب ۇ ۇ ارنايى مەدالىمەن ماراپاتتالدى

نۇر-سۇلتان. قازاقپارات - نۇر- سۇلتان قالاسىنىڭ مەديتسينا قىزمەتكەرلەرى بىرىككەن ۇلتتار ۇيىمىنىڭ مەدالىمەن ماراپاتتالدى، دەپ حابارلايدى قازاقپارات ەلوردا اكىمدىگىنىڭ رەسمي سايتىنا سىلتەمە جاساپ.

كونستيتۋتسيا كۇنى قارساڭىندا №2 كوپبەيىندى قالالىق بالالار اۋرۋحاناسىنىڭ قىزمەتكەرلەرىنە بىرىككەن ۇلتتار ۇيىمىنىڭ ارنايى مەدالى تابىستالدى. سونداي-اق دەنساۋلىق ساقتاۋعا قوسقان ۇلەسى ءۇشىن «AMANAT» پارتياسىنىڭ العىس حاتتارىمەن ماراپاتتالدى.

«اتا زاڭ - ەلىمىزدەگى بارلىق قۇقىقتىق قاتىناستى رەتتەيتىن ماڭىزدى قۇجات. ەلىمىزدە 5 ماۋسىم كۇنى رەفەرەندۋم وتكىزىلىپ، زاڭنىڭ 33 بابىنا كوپتەگەن ماڭىزدى پروتسەستەردى رەتتەيتىن 60-قا جۋىق تۇزەتۋ ەنگىزىلدى. كونستيتۋتسيا كۇنى قارساڭىندا ءبىز مەديتسينا سالاسىنىڭ قىزمەتكەرلەرىن قۇتتىقتاپ، ولاردىڭ ەڭبەگىن ەرەكشە اتاپ وتكىمىز كەلدى»، - دەدى «AMANAT» پارتياسى قالالىق فيليالىنىڭ مەملەكەتتىك باسقارۋدى دامىتۋ جانە سىبايلاس جەمقورلىققا قارسى ءىس- قيمىل جونىندەگى قوعامدىق كەڭەسىنىڭ ءتوراعاسى ۆلاديمير ساۆكين.

سونىمەن قاتار «مەكتەپكە جول» اكسياسى اياسىندا اۋرۋحانا قىزمەتكەرلەرىنىڭ (دارىگەرلەر، مەدبيكەلەر، سانيتارلار) وقۋشى بالالارىنا ارنالعان وقۋ قۇرالدارى بار سومكەلەر تاپسىرىلدى. ولاردىڭ اراسىندا كوپبالالى وتباسىلار، جالعىزباستى انالار، سونداي-اق مۇمكىندىگى شەكتەۋلى بالالاردى تاربيەلەپ وتىرعان جانۇيالار بار. «مەرەكە» قوعامدىق قورى دايارلىق سىنىپتان 11-سىنىپقا دەيىنگى وقۋشىلار ءۇشىن جالپى سانى 82 سومكە دايىنداعان.

رەداكتور گۇلميرا الياكپاروۆا