ەرالى توعجانوۆ سولتۇستىك قازاقستان وبلىسىنىڭ ونەركاسىپ نىساندارىن ارالادى
ەرالى توعجانوۆ «سيەۆەرنىي برويلەر» ج ش س برويلەر قۇس فابريكاسىنىڭ قۇرىلىسىمەن تانىسىپ، جەكە قوسالقى شارۋاشىلىقتاردى كووپەراتيۆتەرگە بىرىكتىرۋ جانە اۋىلداعى اۋىل شارۋاشىلىعى ءوندىرىسىن دامىتۋ جوباسى تۋرالى ايتىپ بەردى. بۇل جوبانىڭ ارتىقشىلىعى - كاسىپورىن اينالاسىندا وندىرىستىك بەلدەۋ قۇرۋ.
«قارسى مىندەتتەمەلەر جۇيەسى ارقىلى كاسىپكەرلەر ادامدارعا ناقتى كومەك كورسەتۋلەرى ءتيىس. س ق و- دا بيزنەس پەن ادامدار اراسىنداعى ءوزارا ءىس- قيمىل تەتىگىن قۇرۋ قاجەت، ول بۇكىل رەسپۋبليكا ءۇشىن ۇلگى بولادى»، — دەپ اتاپ ءوتتى پرەمەر- ءمينيستردىڭ ورىنباسارى.
«سيەۆەرنىي برويلەر» ج ش س باسشىسى سولتۇستىك قازاقستان وبلىسىنا الماتى وبلىسىنان كەلدى. قازاقستاندىق كومپانيا 5,4 ميلليارد تەڭگە ينۆەستيتسيا سالادى. 168 تۇراقتى جۇمىس ورنى قۇرىلادى. قىزمەتكەرلەر جەرگىلىكتى تۇرعىندار اراسىنان الىناتىن بولادى. وسىلايشا، اۋىل تۇرعىندارى جىل بويى جۇمىسپەن قامتىلادى.
«مەملەكەت قولداۋ كورسەتەتىن كاسىپورىندار وزدەرى ورنالاسقان اۋىلداردىڭ تۇرعىندارىنا كومەك كورسەتۋ بويىنشا مىندەتتەمەلەر الادى. اتاپ ايتقاندا، تۇرعىنداردىڭ قوسالقى شارۋاشىلىقتارىن دامىتۋعا جاردەمدەسەدى»، - دەدى س ق و اكىمى قۇمار اقساقالوۆ.
ايتا كەتەيىك، جاڭا قۇس فابريكاسىنىڭ قۋاتى جاقسى. مۇندا 5 مىڭ توننا قۇس ەتى وندىرىلەتىن بولادى. جالپى، وبلىس بويىنشا جىلىنا 16 مىڭ توننا قۇس ەتىن وندىرەتىن ءۇش قۇس فابريكاسىنىڭ قۇرىلىسى جۇرگىزىلىپ جاتىر. بۇل ءوڭىردىڭ قۇس ەتىنە دەگەن قاجەتتىلىگىن جابۋعا مۇمكىندىك بەرەدى.
سونىمەن قاتار ەرالى توعجانوۆ پەتروپاۆلداعى فانەرا كومبيناتىنىڭ وندىرىستىك ۇدەرىسىمەن تانىستى. جوبانى تۇرىك ينۆەستورلارى ىسكە اسىردى، 4,1 ميلليارد تەڭگەدەن استام ينۆەستيتسيا سالىندى. زاۋىتتىڭ جوبالىق قۋاتى - 30 مىڭ تەكشە مەتر لاميناتتالعان فانەرا. كاسىپورىن ەل بويىنشا فانەراعا قاجەتتىلىكتى %22 عا دەيىن جابا الادى. 210 تۇراقتى جۇمىس ورنى قۇرىلدى.
ءىس ساپار اياسىندا ق ر پرەمەر- ءمينيسترىنىڭ ورىنباسارى ەرالى توعجانوۆ «جۇكەنوۆ» ج ك تىگىن سەحىنا باردى. سەحتا كوپبالالى، قانداستار جانە تولىق ەمەس وتباسىلار ءۇشىن 9 جۇمىس ورنى قۇرىلعان. قوسىمشا 40 جاڭا جۇمىس ورنىن اشۋ جوسپارلانۋدا.
جالپى، وڭىردە 17 ءسۇت فەرماسىنىڭ، ءۇش قۇس فابريكاسىنىڭ، جىلىجاي كەشەنىنىڭ جانە ماي ەكستراكسيالىق زاۋىتىنىڭ قۇرىلىسى ءجۇرىپ جاتىر. بيىل كىرپىش زاۋىتى، تەمىربەتون بۇيىمدارى كاسىپورنى، ىرىمشىك شىعاراتىن ءسۇت زاۋىتى اشىلدى. قاعاز ونىمدەرى فابريكاسى مەن اۆتوكلاۆتى گازوبلوكتار كاسىپورنىن ىسكە قوسۋ كوزدەلگەن.
د س پ، ەلەكتر قالقانى جابدىقتارىن جانە جەڭىل بولات جۇقا قابىرعالى كونسترۋكتسيالاردى شىعارۋ بويىنشا ينۆەستيتسيالىق جوبالار ىسكە اسىرىلا باستايدى.
بيىل س ق و- دا 401 مىڭ شارشى مەتر تۇرعىن ءۇي پايدالانۋعا بەرىلەدى. 663 كم جول جوندەلەدى، وسى ماقساتتارعا 22 ميلليارد تەڭگە جۇمسالدى. سۋمەن جابدىقتاۋ سالاسىندا جوندەۋ جۇمىستارىمەن 55 اۋىل قامتىلدى.
