بولاشاقتا الەمدىك ەڭبەك نارىعىندا قانداي ءتىل سۇرانىستا بولادى - مينيستر بولجامى

نۇر-سۇلتان. قازاقپارات - ءبىلىم سالاسىنىڭ ماماندارىمەن كەزدەسكەن ساياسات نۇربەك بولاشاقتا الەمدىك ەڭبەك نارىعىندا قانداي ءتىل تانىمالدىققا يە بولاتىنىن ايتتى، دەپ حابارلايدى قازاقپارات ءتىلشىسى.

«قازىر الەم حالقىنىڭ سانى 8 ميللياردتان استى. بيىل ءۇندىستان رەسمي تۇردە حالقى ەڭ تىعىز ورنالاسقان ەل اتاندى. ال تاياۋ جىلدارى تۇرعىندارى ميللياردتان اسادى دەپ بولجانعان ءۇش مەملەكەت بار. ولار - يندونەزيا، نيگەريا جانە افريكا. تاياۋ كەلەشەكتە ەڭبەك نارىعىنىڭ باسىم بولىگىن افريكا حالقى قۇرايدى. ال 2050-جىلعا قاراي الەم بويىنشا 35 جاسقا تولماعان جۇمىس كۇشىنىڭ جارتىسى افريكا ۇلەسىندە بولماق. وسىعان بايلانىستى الداعى ۋاقىتتا فرانسۋز جانە اراب تىلدەرى تانىمال بولادى. وسىنى ەسكەرىپ، نيەت بولسا بالالارىڭىزعا قوسىمشا فرانسۋز ءتىلىن وقىتساڭىزدار بولادى»، - دەپ زەرتتەۋلەرگە نەگىزدەلگەن بولجاممەن ءبولىستى ق ر عىلىم جانە جوعارى ءبىلىم ءمينيسترى ساياسات نۇربەك.

ساراپشىلارمەن كەزدەسۋ بارىسىندا مينيستر سيفرلاندىرۋ پروتسەسىنىڭ ەڭبەك نارىعىنا تيگىزەتىن تەرىس اسەرىن باياندادى.

بۇدان بولەك، ول ەكى جىل ونلاين وقۋدىڭ زاردابى ونداعان جىلدارعا سوزىلاتىنىن مالىمدەدى.