ا ق ش يرانمەن بايلانىسى بار سيرياداعى نىساندارعا سوققى بەردى
سارسەنبىدەگى ا ق ش قارۋلى كۇشتەرى ورتالىق قولباسشىلىعىنىڭ (USCENTCOM) مالىمدەمەسىنە سايكەس، شابۋىل پرەزيدەنت دجو بايدەننىڭ بۇيرىعىمەن جاسالعان جانە ا ق ش كۇشتەرىن يران قولداعان توپتاردىڭ شابۋىلىنان قورعاۋعا باعىتتالعان.
«بۇگىن پرەزيدەنت بايدەننىڭ بۇيرىعىمەن ا ق ش قارۋلى كۇشتەرى سيرياداعى دەير-ەز-زور پروۆينتسياسىنا اۋە شابۋىلدارى جاسالدى. بۇل ناقتى سوققىلار امەريكالىق اسكەرلەردى قورعاۋعا ارنالعان»، - دەلىنگەن حابارلامادا.
مالىمدەمە 15- تامىزدا بولعان وقيعاعا سىلتەمە جاسالعان. ول كەزدە سيرياداعى حالىقارالىق كواليتسيا كۇشتەرىنىڭ اۋماعىنا جانە ا ق ش قولداعان سيريا وپپوزيتسياسىنىڭ جاۋىنگەرلەرىنە پيلوتسىز ۇشىرىلاتىن قارۋمەن شابۋىل جاسالعان بولاتىن.
«قۇراما شتاتتار شيەلەنىس ىزدەمەيدى، ءبىراق حالقىمىزدى قورعاۋ ءۇشىن قاجەتتى شارالار قولدانۋدى جالعاستىرادى. ا ق ش كۇشتەرى دايش سودىرلارىن جەڭۋ ءۇشىن سيريادا قالادى»، - دەدى USCENTCOM قوعاممەن بايلانىس ديرەكتورى پولكوۆنيك دجو بۋچچينو.
