ب ۇ ۇ ۋكرايناداعى ا ە س قاۋىپسىزدىگىن تەكسەرمەك

نۇر- سۇلتان. قازاقپارات – ب ۇ ۇ- نىڭ اتوم ەنەرگياسى جونىندەگى حالىقارالىق اگەنتتىگى جۋىق ارادا ۋكرايناداعى رەسەي كۇشتەرى باقىلاۋىنداعى زاپوروجە اتوم ەلەكتر ستانسياسىن بارىپ كورۋى مۇمكىن. قازىر ماسەلەگە قاتىستى كەلىسسوز ءجۇرىپ جاتىر.

بۇل تۋرالى ۇيىم وكىلدەرى مالىمدەدى، دەپ حابارلايدى «حابار 24».

نىساندى رەسەي اسكەرى اقپان ايىندا باسىپ العان. ءبىراق تامىزدىڭ باس كەزىندە ونىڭ اۋماعى بىرنەشە رەت اتقىلانىپ، جاعداي شيەلەنىسكەن. ۋكراينا مەن حالىقارالىق قاۋىمداستىق رەسەيدەن ول جەردەن اسكەرىن الىپ كەتۋدى سۇراپ وتىر. الايدا ماسكەۋ ارانداتۋشىلىق ارەكەتتەردىڭ الدىن الامىز دەپ ودان باس تارتىپ كەلەدى. وسىعان بايلانىستى حالىقارلىق اگەنتتىك جاعدايدى ءوز كوزىمەن كورىپ، باعالاۋعا رۇقسات بەرۋىن سۇراپ وتىر.

روزماري ديكارلو، ب ۇ ۇ باس حاتشىسىنىڭ ساياسي ماسەلەلەر جونىندەگى ورىنباسارى:

- ءبىز تاراپتاردى اتوم ەلەكتر ەنەرگياسى جونىندەگى حالىقارالىق اگەنتتىك وكىلدەرىنىڭ نىساندى ەش كەدەرگىسىز كورۋىنە دەرەۋ ارادا رۇقسات بەرۋگە شاقىرامىز. سونداي- اق نىساندى ازاماتتىق ينفراقۇرىلىم رەتىندە قاراستىراتىن كەلىسىمگە قول قويىلىپ، قاۋىپسىزدىگىن قامتاماسىز ەتۋ قاجەت. ءبىز ۋكرايناداعى جانە باسقا دا اتوم ەلەكتر ستانتسيالارىنا نۇقسان كەلتىرۋدىڭ سالدارى اۋىر بولاتىنىن ءتۇسىنۋىمىز كەرەك.