قاسىم-جومارت توقايەۆ رەسمي ساپارمەن ازەربايجانعا باردى

باكۋ. قازاقپارات - مەملەكەت باسشىسى قاسىم-جومارت توقايەۆ رەسمي ساپارمەن ازەربايجانعا كەلدى، دەپ حابارلايدى اقوردا.

باكۋ اۋەجايىندا قازاقستان پرەزيدەنتىن ازەربايجان پرەمەر- ءمينيسترىنىڭ ءبىرىنشى ورىنباسارى ياگۋب ەيۋبوۆ پەن سىرتقى ىستەر ءمينيسترىنىڭ ورىنباسارى حالاف حالافوۆ كۇتىپ الدى.

ساپار اياسىندا قازاقستان مەن ازەربايجان پرەزيدەنتتەرىنىڭ شاعىن جانە كەڭەيتىلگەن قۇرامداعى كەلىسسوزدەرى جوسپارلانعان. مەملەكەتتەر باسشىلارى ەكىجاقتى ىنتىماقتاستىقتىڭ كوپقىرلى ماسەلەلەرىن قاراستىرادى. كەلىسسوزدەر قورىتىندىسى بويىنشا ءبىرقاتار كەلىسىمگە قول قويىلادى.