بۇگىن قاسىم- جومارت توقايەۆ ازەربايجانعا بارادى

نۇر- سۇلتان. قازاقپارات - بۇگىن قازاقستان پرەزيدەنتى قاسىم- جومارت توقايەۆ ازەربايجانعا رەسمي ساپارمەن بارادى، دەپ حابارلايدى قازاقپارات.

«24- تامىز كۇنى مەملەكەت باسشىسى ازەربايجان رەسپۋبليكاسىنىڭ پرەزيدەنتى يلحام اليەۆتىڭ شاقىرۋىمەن باكۋ قالاسىنا رەسمي ساپارمەن بارادى.

ازەربايجان استاناسىندا ەكى ەل باسشىلارىنىڭ شاعىن جانە كەڭەيتىلگەن قۇرامداعى كەزدەسۋلەرى جوسپارلانىپ وتىر. كەلىسسوز بارىسىندا ساۋدا- ەكونوميكالىق، كولىك- لوگيستيكالىق، ينۆەستيتسيالىق، مادەني- گۋمانيتارلىق ىنتىماقتاستىقتى ودان ءارى نىعايتۋعا باسا ءمان بەرىلە وتىرىپ، قازاق- ازەربايجان ستراتەگيالىق سەرىكتەستىگىن دامىتۋ ماسەلەلەرى قاراستىرىلادى.

سونىمەن قاتار ەكىجاقتى ءبىرقاتار قۇجاتقا قول قويىلادى»، - دەلىنگەن بولاتىن اقوردانىڭ باسپا ءسوز قىزمەتى تاراتقان حابارلامادا.

فوتو:akorda.kz

رەداكتور

گۇلميرا الياكپاروۆا