ەت باعاسىنىڭ كۇرت وسۋىنە سەبەپ جوق - ەربول قاراشوكەيەۆ

نۇر-سۇلتان. قازاقپارات - ەلىمىزدە ەت نارىعىنداعى جاعداي تۇراقتى، باعانىڭ كۇرت وسۋىنە نەگىز جوق.

بۇل جايىندا ق ر اۋىل شارۋاشىلىعى ءمينيسترى ەربول قاراشوكەيەۆ ايتتى، دەپ حابارلايدى قازاقپارات ءتىلشىسى.

«ەت باعاسىنا قاتىستى توقتالسام، قازىر ەت ءوندىرىسىنىڭ كولەمى تۇراقتى، ارتىپ تا كەلەدى. ەكسپورتقا دا شىعارىلۋدا. جاعداي تۇراقتى. مال باسى دا ارتا تۇسۋدە. وڭدەلگەن ەتتىڭ شەتەلگە ەكسپورت كولەمى دە ۇلعايۋدا. سوندىقتان جاعداي تۇراقتى. ەگەر قاراساڭىزدار، باعا ءوسىمى بار. ياعني، جانارمايدان باستاپ مال شارۋاشىلىعىنىڭ شىعىندارى ارتىپ وتىر. قاجەتتى دۇنيەنىڭ بارىنە باعا ءوسىپ كەلەدى. وسىعان بايلانىستى ءبىرشاما قىمباتتاۋى مۇمكىن»، - دەدى مينيستر ۇكىمەت وتىرىسىنان كەيىن ب ا ق وكىلدەرىنە بەرگەن سۇحباتىندا.

ونىڭ اتاپ وتۋىنشە، مال شارۋاشىلىعىنىڭ كىرىستىلىك دەڭگەيى بىركەلكى ساقتالۋى ءتيىس. ەگەر ولار شىعىنعا باتسا، وندا ەتتىڭ قاجەتتى كولەمى دە سوعان ساي باعا دا بولمايدى.

«باعانى بولجاۋ قيىن. باعاعا بولجام جاساعان كەزدە بىرنەشە فاكتوردى ەسكەرگەنىمىز ءجون. ءبىرىنشى فاكتور - مال باسى. بىزدە مال باسى تۇراقتى ارتىپ كەلە جاتىر. ەكىنشى ماسەلە - قارجىلارندىرۋ. ەتتىڭ قىمبات بولۋىنا، قاتتى قىمباتتاپ كەتۋىنە نەگىز جوق»، - دەدى ەربول قاراشوكەيەۆ.