بيىل قازاقستاندا جول- كولىك اپاتتارى كوبەيدى

نۇر-سۇلتان. قازاقپارات - قازاقستاندا جول-كولىك اپاتتارىنىڭ سانى كوبەيدى.

بۇل تۋرالى ق ر ىشكى ىستەر مينيسترلىگى اكىمشىلىك پوليتسيا كوميتەتى ءتوراعاسىنىڭ مىندەتىن اتقارۋشى جاندوس مۇراتاليەۆ ءمالىم ەتتى، دەپ حابارلايدى قازاقپارات ءتىلشىسى.

«ەلىمىزدىڭ جولدارىندا ازاماتتاردىڭ ءومىرى مەن دەنساۋلىعىن ساقتاۋ ىشكى ىستەر مينيسترلىگىنىڭ ءبىرىنشى كەزەكتەگى مىندەتتەرىنىڭ ءبىرى بولىپ وتىر. ونى جۇزەگە اسىرۋ ءۇشىن جول ءجۇرىسى قاۋىپسىزدىگىنىڭ دەڭگەيىن ارتتىرۋ بويىنشا ۇيىمداستىرۋشىلىق، پراكتيكالىق جانە قۇقىقتىق شارالار كەشەنى قابىلدانىپ جاتىر»، - دەدى ج. مۇراتاليەۆ مينيسترلىكتە وتكەن بريفينگىدە.

ونىڭ ايتۋىنشا، بيىل ەلىمىزدە بارلىق كورسەتكىشتەرى بويىنشا اپاتتىلىقتىن وسكەنى بايقالادى. جول- كولىك وقيعالارىنىڭ سانى بويىنشا 9 پايىزعا، ونىڭ سالدارىنان قايتىس بولعانداردىڭ سانى 17 پايىزعا، جاراقات العانداردىڭ سانى 9 پايىزعا وسكەن.

بۇدان بۇرىن حابارلانعانداي، بۇگىن ۆەدومستۆودا وتكەن بريفينگىدە اپتا ىشىندە ەلىمىزدە 3,4 مىڭ قىلمىس تىكەلگەنى ايتىلدى.