قازاقستان قىتايعا «قورعاس» ورتالىعىنىڭ قىزمەتىن قايتا جانداندىرۋدى ۇسىندى

نۇر-سۇلتان. قازاقپارات - قازاقستاننىڭ قىتايداعى ەلشىسى شاحرات نۇرىشەۆ ق ح ر كوممەرتسيا ءمينيسترىنىڭ ورىنباسارى - حالىقارالىق ساۋدا بويىنشا كەلىسسوزدەرىندەگى قىتايدىڭ وكىلى (مينيستر دەڭگەيىندە) ۆان شوۋۆەنمەن كەزدەسۋ وتكىزدى.

ق ر سىرتقى ىستەر مينيسترلىگى باسپا ءسوز قىزمەتىنىڭ حابارلاۋىنشا، ءىس-شارا بارىسىندا تاراپتار قازاقستان مەن قىتاي اراسىنداعى ساۋدا-ەكونوميكالىق، ينۆەستيتسيالىق جانە ءوڭىرارالىق ىنتىماقتاستىقتىڭ جاعدايى مەن دامۋ پەرسپەكتيۆالارىن تالقىلادى.

اتاپ ايتقاندا، سۇحباتتاستار اتالعان سالالاردا ىنتىماقتاستىقتىڭ جاڭا كوزقاراستارىن قالىپتاستىرۋ ماڭىزدىلىعىن اتاپ ءوتتى.

ەكىجاقتى ىنتىماقتاستىققا قوسىمشا «سەرپىن» بەرۋ جانە قولايلى جاعدايلار جاساۋ ماقساتىندا شارتتىق- قۇقىقتىق بازانى جەتىلدىرۋ تاقىرىبىنا ەرەكشە نازار اۋدارىلدى.

ش. نۇرىشەۆ سۇحباتتاسۋشىنىڭ نازارىن ەلەكتروندىق كوممەرتسيانى قوسا العاندا، ەكىجاقتى ساۋدا كولەمىن ارتتىرۋ بويىنشا تۇراقتى ىنتالاندىرۋ شارالارىن قابىلداۋ قاجەتتىگىنە اۋداردى. وسى تۇرعىدا قازاقستاندىق ديپلومات 2026 -جىلعا دەيىنگى ساۋدا- ەكونوميكالىق ىنتىماقتاستىق باعدارلاماسىن كەلىسۋدى جەدەلدەتۋ، سونداي-اق ساۋدا، ينۆەستيتسيالار جانە ءوڭىرارالىق ءوزارا ءىس- قيمىل سالالارىنداعى جۇمىس تەتىكتەرىن جانداندىرۋدى ۇسىندى.

ەلشى قازاقستاندىق تاراپتىڭ قىتايعا وتاندىق مال شارۋاشىلىعى مەن اۋىل شارۋاشىلىعى ونىمدەرىن جەتكىزۋ نومەنكلاتۋراسىن كەڭەيتۋگە دايىن ەكەنىن مالىمدەدى.

سونىمەن قاتار، ەلشى قازاقستان- قىتاي شەكاراسىنداعى وتكىزۋ بەكەتتەرىنىڭ ءتيىمدى جۇمىس ىستەۋى جانە «قورعاس» شەكارا ماڭى ىنتىماقتاستىعى حالىقارالىق ورتالىعىنىڭ قىزمەتىن قايتا جانداندىرۋ ەكى جاقتى ساۋدا ءۇشىن ماڭىزدى ەكەنىن ەرەكشە اتاپ ءوتتى.

ءوز كەزەگىندە ۆان شوۋۆەن قىتايلىق تاراپتىڭ ق ر- ق ح ر اراسىنداعى ماڭگىلىك جان- جاقتى ستراتەگيالىق ارىپتەستىكتى ودان ءارى نىعايتۋ ماقساتىندا ەكى ەل اراسىنداعى ساۋدا جانە ينۆەستيتسيالار سالاسىنداعى ءوزارا ءىس- قيمىلدى جانداندىرۋعا دايىندىعىن ءبىلدىردى. ق ح ر كوممەرتسيا ءمينيسترىنىڭ ورىنباسارى قازاقستاندىق تاراپ ۇسىنعان ەكىجاقتى تاۋار اينالىمىنىڭ ءوسۋىن ىنتالاندىرۋ جانە ساۋدا- ەكونوميكالىق ىنتىماقتاستىق تەتىكتەرىن جەتىلدىرۋ جونىندەگى شارالاردى قولدادى.

تاراپتار د س ۇ، ش ى ۇ، ا و س ش ك جانە «ورتالىق ازيا - قىتاي» فورماتى سياقتى كوپجاقتى بىرلەستىكتەر شەڭبەرىندە تىعىز ءوزارا ءىس- قيمىل جاساۋعا كەلىستى.

كەزدەسۋ قورىتىندىسى بويىنشا تاراپتار كەلىسسوزدەر بارىسىندا قول جەتكىزىلگەن ۋاعدالاستىقتاردى ىسكە اسىرۋ ماقساتىندا قازاقستاننىڭ قىتايداعى ەلشىلىگى مەن ق ح ر كوممەرتسيا مينيسترلىگى اراسىنداعى تىعىز ارەكەتتەستىكتى جالعاستىرۋعا كەلىستى.

فوتو: ق ر سىرتقى ىستەر مينيسترلىگى باسپا ءسوز قىزمەتى

رەداكتور ايدار وسپاناليەۆ