اۋەجايلار مەن ۆوكزالداردا كوروناۆيرۋس پروفيلاكتيكاسىنىڭ جاڭا شارالارى بەكىتىلمەك

نۇر-سۇلتان. قازاقپارات - كولىكتەگى باس مەملەكەتتىك سانيتارلىق دارىگەر جانار ورازالينا ەلوردا اۋماعىنداعى كوروناۆيرۋس ينفەكتسيانىڭ الدىن الۋعا باعىتتالعان پروفيلاكتيكالىق شارالار تىزبەسىن بەكىتتى.

ءتيىستى قاۋلى قۇزىرلى ورگاننىڭ سايتىندا جاريالاندى، دەپ حابارلايدى قازاقپارات ءتىلشىسى.

قاۋلىعا سايكەس، تۇراقتى جولاۋشىلار تاسىمالىن جۇزەگە اسىراتىن ۇيىمداردىڭ باسشىلارى مىنا شارالاردى قامتاماسىز ەتۋگە مىندەتتى:

- كولىك قۇرالدارىنداعى اۋا باپتاۋ، جەلدەتۋ جۇيەلەرىنە تەكسەرۋ جۇرگىزۋ جانە جەلدەتكىش سۇزگىلەردى اۋىستىرۋعا؛

- ارنايى كولىك قۇرالدارىن (پەرروندىق اۆتوبۋستاردى) قوسپاعاندا، جولاۋشىلاردى وتىرعىزۋ ورىندارىنىڭ سانىنان اسپايتىن مولشەردە كولىك قۇرالىنا جىبەرۋگە جول بەرمەۋگە؛

- كولىك قۇرالىنىڭ سالونىن جەلدەتۋ، دەزينفەكتسيالاۋ، ساپار اياقتتالعاننان كەيىن جولاۋشىلار جاناسقان جەرلەردى سۇرتۋگە؛

- جەكە قورعانۋ قۇرالدارىنىڭ، قولعا ارنالعان انتيسەپتيكتەردىڭ، دەزينفەكتسيالاۋ قۇرالدارىنىڭ جەتكىلىكتى قورىنىڭ بولۋىنا؛

- پەرسونالدىڭ جەكە قورعانۋ قۇرالدارىن (ماسكالاردى)، قولعا ارنالعان انتيسەپتيكتەردى مىندەتتى تۇردە پايدالانۋعا؛

- كولىك قۇرالىندا جولاۋشىلاردى كوروناۆيرۋس ينفەكتسياسىنىڭ الدىن الۋ شارالارى تۋرالى حاباردار ەتۋدى جانە جەكە قورعانىش قۇرالدارىن (ماسكالاردى) پايدالانۋدى ۇسىنۋعا.

حالىقارالىق اۋەجاي، تەمىرجول ۆوكزالدارى، تەڭىز جانە وزەن پورتتارىنىڭ باسشىلارى مىنا شارالاردى قامتاماسىز ەتۋگە مىندەتتى:

- اۋا تەمپەراتۋراسى مەن ىلعالدىلىق دەڭگەيىن قولايلى ساقتاۋ ءۇشىن ءۇشىن جەلدەتۋ، تازالاۋ، جۋۋ، دەزينفەكتسيالاۋ، سۇزگىلەردى اۋىستىرۋ جانە باسقا دا جۇمىستار جۇرگىزۋگە؛

- جولاۋشىلار بولاتىن جەرلەردى جۋۋ جانە دەزينفەكتسيالاۋ قۇرالدارىن قولدانا وتىرىپ، تولىق تازالاۋ جۇمىستارىن جۇرگىزۋگە، سۇرتۋگە؛

- جولاۋشىلار مەن كەلۋشىلەر بولاتىن جەرلەردە (كۇتۋ زالدارى، انا مەن بالا بولمەلەرى)، كىرەبەرىستە نەمەسە سانيتاريالىق توراپتاردا قولدى وڭدەۋگە ارنالعان سانيتايزەرلەر ورناتۋعا؛

- قىزمەتكەرلەر اراسىندا COVID-19 كەزىندە جەكە قورعانىس قۇرالدارىن پايدالانۋ الگوريتمى بويىنشا جەكە/قوعامدىق گيگيەنا قاعيدالارىن ساقتاۋ قاجەتتىلىگى، كۆارتس شامدارىن پايدالانۋ كەزىندەگى قاۋىپسىزدىك شارالارى تۋرالى نۇسقاۋ، سونداي- اق ساقتالۋىن باقىلاۋعا؛

- پەرسونالدى جەكە قورعانىش قۇرالدارىمەن (ماسكالار، انتيسەپتيكتەر) جابدىقتاۋعا؛

- جولاۋشىلارعا 60 مينۋتتا كەمىندە 1 رەت راديو ارقىلى كوروناۆيرۋس ينفەكسياسىنىڭ الدىن الۋ شارالارى تۋرالى حاباردار ەتۋگە.

- ءوڭىردىڭ ەپيدەميولوگيالىق جاعدايىن باعالاۋ ماتريتساسىنا سايكەس، «جاسىل» جانە «سارى» ايماقتا بولعان كەزدە حالىق كوپ جينالاتىن ورىنداردا مەديتسينالىق نەمەسە ماتادان تىگىلگەن ماسكالاردى قولدانۋدى ۇسىنسىن.

كولىكتەگى باس مەملەكەتتىك سانيتاريالىق دارىگەر ۇسىنعان قاۋلى قول قويعان كۇننەن باستاپ كۇشىنە ەنەدى.