ىشكى ىستەر ءمينيسترى ەسىرتكى قىلمىسىمەن قالاي كۇرەسۋگە بولاتىنىن ايتتى
مەملەكەتتىك كەڭەسشى ەرلان قاريننىڭ كىرىسپە سوزىنەن كەيىن ءى ءى م باسشىسى كەڭەسكە قاتىسۋشىلارعا سينتەتيكالىق ەسىرتكىنىڭ زاڭسىز اينالىمى بۇگىندە تەك قازاقستاندا عانا ەمەس، بۇكىل الەمدە ەسىرتكى احۋالىنا ايتارلىقتاي اسەر ەتكەنىن حابارلادى.
قولجەتىمدىلىگى مەن ارزاندىعىنا بايلانىستى ولار ەسىرتكىنىڭ ءداستۇرلى تۇرلەرىن (گەروين، اپيىن، كوكاين) بەلسەندى تۇردە ىعىستىرۋدا. تاركىلەنگەن «سينتەتيكا» كولەمى سوڭعى ءۇش جىلدا 6 دان 140 ك گ-عا دەيىن ۇلعايدى. وسى ۋاقىت ارالىعىندا پوليتسيا 41 ەسىرتكى زەرتحاناسىن جويدى، ونىڭ 23 ى - وسى جىلى.
مينيستر مارات احمەتجانوۆ وسى سالاداعى جازانىڭ قاتاڭداتىلعانىن ەسكە سالدى.
اتاپ ايتقاندا، وتكەن جىلدىڭ قازان ايىنان باستاپ «سينتەتيكا» ەسىرتكىنىڭ اۋىر تۇرلەرىنە تەڭەستىرىلدى جانە ولاردى ساقتاعانى ءۇشىن قىلمىستىق جاۋاپكەرشىلىك ءبىر گرامنان (بۇرىن - 50 گرامنان) باستالادى.
ءمينيستردىڭ پىكىرىنشە، «ءدارىحانالىق ناشاقورلىق» قارقىندى تۇردە وسۋدە. ىشكى ىستەر مينيسترلىگىنىڭ باستاماسىمەن ترامادول، تروپيكاميد جانە ازوت وكسيدى سياقتى پرەپاراتتار كۇشتى زاتتاردىڭ تىزىمىنە ەنگىزىلگەن، ءبىراق ولاردىڭ زاڭسىز اينالىمى ءۇشىن ناقتى جاۋاپكەرشىلىك، وكىنىشكە وراي، جوق.
