الۆارەستى جەڭگەن بيۆولدىڭ كەلەسى قارسىلاسى بەلگىلەندى

نۇر-سۇلتان. قازاقپارات – جارتىلاي اۋىر سالماقتا WBA چەمپيونى دميتري بيۆول (20-0، 11 ك و) جانە بەلبەۋگە مىندەتتى قارسىلاس حيلبەرتو راميرەس (44-0، 30 ك و) جەكپە-جەك تۋرالى كەلىسىمگە كەلدى، دەپ حابارلايدى vRINGe.com پورتالى ESPN- گە سىلتەمە جاساپ.

جەكپە-جەك 5- قاراشا اراب امىرلىكتەرىندە وتەدى.

31- جاستاعى بيۆول مامىردا مەكسيكالىق ساۋل «كانەلو» الۆارەستى (57-2-2، 39 ك و) تورەشىلەر شەشىمىمەن جەڭگەن.

رەسەيلىكپەن جاستى راميرەس وتكەن ايقاسىندا گەرمانيالىق دومينيك بەسەلدى (32-3، 12 ك و) نوكاۋتقا ءتۇسىردى.

مۇنىڭ الدىندا WBA بيۆولدىڭ مىندەتتى قورعاۋىن شەگەرۋ تۋرالى ۇسىنىستى قابىلدامادى: رەسەيلىك بوكسشى بريتانيالىق دجوشۋا بۋاتسيگە (16-0، 13 ك و) قارسى ەرىكتى قورعاۋ وتكىزگىسى كەلگەن.