قازاقستاندىق جاس وسپىرىمدەر ءورت ءسوندىرۋ-قۇتقارۋ سپورتىنان الەم چەمپيوناتىندا ۇزدىك ۇشتىككە ىلىكتى
ب ق و ت ج دەپارتامەنتىنىڭ باسپا ءسوز قىزمەتىنەن ءمالىم ەتكەندەي، دۇنيەجۇزىلىك دوداعا قازاقستان، رەسەي، بەلارۋس، بەلارۋس-2، سلوۆاكيا جانە ءۇندىستان كوماندالارى قاتىسىپ، باق سىنادى.
جالپى كوماندالىق ەسەپتە رەسەي جەڭىس تۇعىرىنا كوتەرىلسە، بەلارۋس ەكىنشى، قازاقستان ءۇشىنشى ورىنعا يە بولدى.
قازاقستان قۇراماسى ساپىندا باتىس قازاقستان وبلىسىنان ورال قالاسىنداعى 20№ ورتا مەكتەپ وقۋشىلارى ابىلاي سەرىكوۆ پەن ەرنۇر ناسيبۋللين ەل نامىسىن قورعادى.
كەدەرگى جولاقتارىمەن 100 مەتردى باعىندىرۋدا ابىلاي مەن ەرنۇر فينالعا شىقتى. ابىلاي الەم چەمپيوناتىنىڭ قولا جۇلدەگەرى اتانسا، ەرنۇر ءتورتىنشى ورىنعا تابان تىرەدى.
جاۋىنگەرلىك قانات جايۋدان ەرنۇر ناسيبۋللين قازاقستان قۇراماسى ساپىندا ەكىنشى ورىننان كورىندى.
ەسكە سالا كەتەيىك، بۇدان بۇرىن قازاقستاندىق جاس تەننيسشىلەردىڭ حالىقارالىق تۋرنيرلەردە ۇزدىك شىققانىن جازعان بولاتىنبىز.
