قابدەش ءجۇمادىلوۆ بەكەتى اشىلدى
سەكسەن بەس جاسقا قاراعان شاعىندا دۇنيەدەن وزعان قالامگەر ءوزىنىڭ امانات ەتۋىمەن توعىز جولدىڭ تورابىندا ورىن تەپكەن توبەگە جەرلەنگەن بولاتىن.
نەسىپبەك ايت ۇلى، اقىن، مەملەكەتتىك سىيلىقتىڭ يەگەرى:
- بۇل كىسىنىڭ اۋليەلىگى سول، كەڭسايدا ۇلىلاردىڭ ءبارى جاتىر عوي. سول جەردە جەرلەنۋىنە بولار ەدى. ءبىراق تۋعان جەرگە، ۇلتقا، ءوزىنىڭ تاعدىرىنا دەگەن سۇمدىق ءبىر تالپىنىس وسى جەرگە الىپ كەلدى. بۇگىنگى ءوتىپ جاتقان شارا بۇل تەك ءۇرجار اۋدانىنىڭ، اباي وبلىسىنىڭ عانا شاراسى ەمەس. بۇگىن - ۇلى كۇن. قازاقتىڭ ۇلى جازۋشىسى، اۋەزوۆ مەكتەبىنىڭ ۇلى شاكىرتى.
باۋىرجان جاقىپ، قازاقستان جازۋشىلار وداعى باسقارماسى ءتوراعاسىنىڭ ورىنباسارى، اكادەميك:
- بۇل شارا ەلىمىزگە، حالقىمىزعا نە بەرەدى؟ شىن مانىندە، قازاقتىڭ جازۋ ونەرىنە، قازاق ادەبيەتىنە دەگەن قۇرمەت دەپ تۇسىنەمىن. بۇل جەرگە كەلگەن، وتكەن ادام قازاق ادەبيەتى تۋرالى ويلاپ وتەدى، قابدەش ءجۇمادىلوۆ تۋرالى، ونىڭ شىعارمالارى تۋرالى ويلانىپ وتەدى.
ەل اۋزىندا «92 شاقىرىم» اتالىپ كەتكەن، ءبىر جاعى الماتى مەن الاكولگە، ءبىر تارابى سەمەي، وسكەمەنگە اپاراتىن جولدىڭ توعىسىنداعى بۇل جەر ەندى رەسمي تۇردە «قابدەش بەكەتى» اتالادى.
ساۋلە اۋكەن قىزى، قابدەش ءجۇمادىلوۆتىڭ جۇبايى:
- بۇگىن وتباسىمىز ءۇشىن وتە قۋانىشتى كۇن. قايتىس بولعان ادامنىڭ باسىنا بەلگى قويۋ ارتتاعىلارعا مىندەت. سول پارىز بۇگىن ورىندالدى. حالىقتىڭ ىقىلاسىنا ريزا بولدىم. قاباڭدى سىيلايتىندىعىنا، باعالايتىندىعىنا كوزىم جەتتى.
جازۋشى قۇرمەتىنە قويىلعان كەسەنە كونە حورەزم ستيلىندە، ماڭعىستاۋدىڭ ءمارمار تاسىنان تۇرعىزىلعان. ساۋلەتشىلەر مازاردى سالۋعا ءبىر جىلداي ۋاقىتىن جۇمساعان.
ۇلىقپان سىدىقوۆ، قابدەش ءجۇمادىلوۆ اتىنداعى قوعامدىق قوردىڭ ءتوراعاسى:
- بۇل جەرگە اق تاستار ورناتامىز. باۋ- باقشا بولادى. كەلگەن ادامدار دەمالاتىن، دارەت الاتىن ءۇي سالامىز. بەكەت جاساماقپىز. حالىقتىڭ جازۋشىعا باس ءيىپ جۇرەتىن جەر بولادى دەپ ويلايمىن.
قابدەش ءجۇمادىلوۆ كەسەنەسىنىڭ اشىلۋىنا وراي تاسكەسكەن اۋىلىندا كونفەرەنتسيا ۇيىمداستىرىلىپ، زامانداستارى مەن قالامداستارى ەستەلىك ايتتى. الداعى ۋاقىتتا قالامگەر ەسىمىن ۇلىقتاۋعا قاتىستى ويلارىن ورتاعا سالدى.
www.24.kz
