ا ق ش پەن كورەيا اسكەري جاتتىعۋ وتكىزدى

نۇر-سۇلتان.قازاقپارات - وڭتۇستىك كورەيادا جەرگىلىكتى ساربازدار مەن ا ق ش جاۋىنگەرلەرىنىڭ ورتاق اسكەري وقۋ- جاتتىعۋلارى باستالدى.

ولار 1- قىركۇيەككە دەيىن جالعاسادى. شارا بارىسىندا سولتۇستىك كورەيا تارابىنان جاسالۋى مۇمكىن شابۋىلدارعا تويتارىس بەرۋ جاعى پىسىقتالادى. ويتكەنى كەيىنگى ۋاقىتتا كورشى مەملەكەت زىمىراندارىن ۇشىرۋدى ۇدەتىپ، قاۋىپ- قاتەر ارتا تۇسكەن. ال سوڭعى جىلدارى ورتاق اسكەري وقۋ- جاتتىعۋلار بۇرىنعىداي اۋقىمدى تۇردە وتكىزىلمەي كەلدى. وعان ءبىر جاعىنان كوروناۆيرۋس، ەكىنشى جاعىنان بۇرىنعى پرەزيدەنتتىڭ سولتۇستىك كورەيامەن اراداعى قارىم- قاتىناسىن جاقسارتۋعا تىرىسۋى دا سەبەپ بولعان. ويتكەنى پحەنيان بۇل شارانى ەل اۋماعىنا باسىپ كىرۋگە دايىندىققا بالاعان ەدى. ەندى اتالمىش جاتتىعۋلار دا كورشى ەل تارابىنان قاتاڭ سىنعا ۇشىراۋى مۇمكىن دەگەن بولجام بار. سوندىقتان سەۋل مەن ۆاشينگتون قىراعىلىق تانىتاتىندارىن جەتكىزدى.

www.24.kz