كوللەدجدەردە وقۋ قاشاننان باستاپ تەگىن بولادى
بۇل تۋرالى قازاقپارات ءتىلشىسىنىڭ ساۋالىنا جاۋاپ بەرگەن وقۋ- اعارتۋ مينيسترلىگىنىڭ باسپا ءسوز قىزمەتى ءمالىم ەتتى.
ۆەدومستۆو دەرەگىنشە، قازىرگى تاڭدا ەلىمىزدىڭ تەحنيكالىق جانە كاسىپتىك ءبىلىم بەرۋ ۇيىمدارىندا 490 مىڭعا جۋىق ستۋدەنت ءبىلىم الادى. ونىڭ ىشىندە 300 مىڭ ستۋدەنت تەگىن وقيدى.
«بيىلعى جىلى پرەزيدەنت تاپسىرماسىنا سايكەس، مەملەكەتتىك تاپسىرىس كولەمى 45 مىڭ ورىنعا ۇلعايتىلدى. سونداي- اق، كوللەدجدەرگە تاعى 120 مىڭنان استام تالاپكەر مەملەكەتتىك تاپسىرىس نەگىزىندە قابىلدانادى. ءبىلىم بەرۋ گرانتتارىنىڭ باسىم بولىگى IT، قۇرىلىس، ينجەنەريا، مەتاللۋرگيا سياقتى تەحنيكالىق ماماندىقتارعا بولىنەدى.
جالپى «ءبىلىمدى ۇلت» ۇلتتىق جوباسى اياسىندا 2025 -جىلعا دەيىن بارلىق نيەت بىلدىرگەن تالاپكەرلەردى تەگىن بىلىممەن قامتۋ جوسپارلانىپ وتىر»، - دەپ جاۋاپ بەردى قۇزىرلى ورگاننىڭ باسپا ءسوز قىزمەتى ءتىلشى ساۋالىنا وراي.
ەسكە سالا كەتەيىك، بۇعان دەيىن ق ر وقۋ- اعارتۋ ءمينيسترى اسحات ايماعامبەتوۆ كوللەدجدەگى ورىنباسارلار سانىن قىسقارتۋدى ۇسىنعان بولاتىن.
