16:45, 22 - تامىز 2022 | GMT +5
ءۇندىستان قازاقستاندا اقپاراتتىق تەحنولوگيالار ۋنيۆەرسيتەتىن اشپاق
نۇر- سۇلتان. قازاقپارات - ءۇندىستاندىقتار قازاقستاندا قوس ديپلوم باعدارلاماسىمەن وقىتاتىن اقپاراتتىق تەحنولوگيالار ۋنيۆەرسيتەتىن اشۋدى ۇسىندى.
بۇل تۋرالى عىلىم جانە جوعارى ءبىلىم مينيسترلىگىنىڭ باسپا ءسوز قىزمەتى ءمالىم ەتتى، دەپ حابارلايدى قازاقپارات ءتىلشىسى.
عىلىم جانە جوعارى ءبىلىم ءمينيسترى ساياسات نۇربەك ءۇندىستاننىڭ حالىقارالىق مەديتسينا جانە عىلىم اكادەمياسىنىڭ باس ديرەكتورى نادجحاۆان رۋپالمەن كەزدەستى. وندا وقۋ ورنىنىڭ باسشىسى ەلىمىزدە اقپاراتتىق تەحنولوگيالار ۋنيۆەرسيتەتىن جانە ءۇندىستاننىڭ حالىقارالىق مەديتسينا جانە عىلىم اكادەمياسىنىڭ بولىمشەسىن اشۋدى ۇسىندى. بۇعان قوسا، نادجحاۆان رۋپال قازاقستاندا ەمحانا مەن فارماتسيەۆتيكالىق زاۋىتتار سالۋعا نيەتتى ەكەنىن جەتكىزدى.
ەسكە سالايىق، بۇعان دەيىن عىلىم جانە جوعارى ءبىلىم ءمينيسترى ساياسات نۇربەك ەلىمىزدەگى 2 جوعارى وقۋ ورنىنا زەرتتەۋ ۋنيۆەرسيتەتى مارتەبەسى بەرىلەتىنىن مالىمدەگەن ەدى.
