16:31, 22 - تامىز 2022 | GMT +5
رەسپۋبليكالىق باس مەشىتكە يمام تاعايىندالدى
نۇر- سۇلتان. قازاقپارات - باس ءمۇفتي ناۋرىزباي قاجى تاعان ۇلىنىڭ بۇيرىعىمەن قازاقستان مۇسىلماندارى ءدىني باسقارماسى جانىنداعى رەسپۋبليكالىق باس مەشىتكە يمام تاعايىندالدى، دەپ حابارلايدى قازاقپارات ءتىلشىسى.
«بۇگىن باس ءمۇفتي باس مەشىت جاماعاتىنا يمامدى تانىستىرىپ، بۇيرىعىن وقىپ بەردى. «ق م د ب جانىنداعى رەسپۋبليكالىق باس مەشىتكە قىدىرمين قانات قويانبەك ۇلى يمام بولىپ تاعايىندالسىن» دەلىنگەن ق م د ب ءتوراعاسى ناۋرىزباي قاجى تاعان ۇلىنىڭ بۇيرىعىندا»، - دەپ جازدى ق م د ب باسپا ءسوز حاتشىسى اعابەك قونارباي ۇلى Facebook پاراقشاسىندا.
باس ءمۇفتي قانات قىدىرميننىڭ ءدىني سالاداعى ءبىلىمى مەن تاجىريبەسىن ايرىقشا اتاپ، جاڭا جۇمىسىنا ساتتىلىك تىلەپ، يگى ىستەرىنە دۇعا جاساعان.
ايتا كەتسەك، قانات قويانبەك ۇلى وسىعان دەيىن اقمولا وبلىسىنىڭ باس يمامى، «ازىرەت سۇلتان» مەشىتىندە نايب يمام، ۇستاز بولىپ جۇمىس ىستەدى. سونىمەن قاتار، ق م د ب جانىنداعى «زەكەت جانە قايىرىمدىلىق» قورىنىڭ ديرەكتورى قىزمەتىن اتقاردى.
