كاسپي مۇناي قۇبىر جەلىسىنەن تاعى دا اقاۋ شىقتى

نۇر- سۇلتان. قازاقپارات - كاسپي قۇبىر جەلىسىنىڭ ەكى كەشەنى تەحنيكالىق اقاۋلارعا بايلانىستى جۇمىس ىستەمەي تۇر، دەپ حابارلايدى قازاقپارات كومپانياعا سىلتەمە جاساپ.

«كاسپي قۇبىر كونسورتسيۋمى» ەكى شىعارىلاتىن ايلاق قوندىرعىسىنان (ش ا ق) مۇناي جونەلتۋدى توقتاتقانىن راستايدى. جابدىقتا جارىقشاقاتار تابىلعان»، - دەپ حابارلادى كومپانيانىڭ باسپا ءسوز قىزمەتى.

«2022 -جىلعى تامىزدا ەكى شىعارىلاتىن ايلاق قۇرىلعىسى جابدىقتارىنىڭ كەشەنىنە تەحنيكالىق قىزمەت كورسەتۋ بويىنشا جوسپارلى جۇمىستاردى جۇرگىزۋ كەزىندە سۋ استى تۇتىكتەرىن ءجۇزۋ تانكتەرىنە بەكىتۋ توراپتارىندا جارىقشاقتار انىقتالدى. حالىققا جانە قورشاعان ورتاعا ءتونىپ تۇرعان قاۋىپ جوق، ويتكەنى جابدىقتىڭ ساڭىلاۋى ساقتالىپ، مۇناي توگىلگەن جوق»، - دەلىنگەن كاسپي قۇبىر كونسورتسيۋمى حابارلاماسىندا.

تابىلعان جارىقشاقتارعا بايلانىستى ك ق ك ايلاق قۇرىلعىسى ءوندىرۋشىسى - IMODCO كومپانياسىنا، سونداي- اق قۇرىلعىلاردىڭ قاۋىپسىزدىگىن باقىلايتىن ABS جىكتەۋ قوعامىنا كەڭەس الۋعا جۇگىندى.

«بۇل ۇيىمدار ءجۇزۋ تانكتەرىن اۋىستىرعانعا دەيىن ش ا ق پايدالانۋدى توقتاتا تۇرۋدى ۇسىندى»، - دەپ حابارلادى كومپانيادان.

جالپى قازاقستان مۇنايىنىڭ باسىم بولىگى ەكسپورتتالاتىن كاسپي قۇبىر جەلىسىنىڭ جۇمىسىنىڭ توقتاۋى بيىلعا ءبىرىنشى رەت ەمەس.

6-شىلدەدە نوۆوروسسييسكىنىڭ پريمورسك اۋداندىق سوتى قۇجاتتىق زاڭ بۇزۋشىلىقتار ءۇشىن «ك ت ك- ر» كومپانياسىنىڭ قىزمەتىن 30 تاۋلىككە توقتاتقان بولاتىن.

11-شىلدەدە كراسنودار وڭىرلىك سوتى كاسپي قۇبىر كونسورتسيۋمى جۇمىسىن توقتاتا تۇرۋ جونىندەگى شەشىمدى وزگەرتىپ، ايىپپۇلعا الماستىردى.