قاي وڭىرلەردە باستاۋىش سىنىپ وقۋشىلارى تەگىن تاماقپەن قامتىلعان
بۇل تۋرالى دەپۋتاتتىق ساۋالعا جاۋاپ بەرۋ كەزىندە ق ر پرەمەر- ءمينيسترىنىڭ ورىنباسارى ەرالى توعجانوۆ ايتتى، دەپ حابارلايدى قازاقپارات ءتىلشىسى.
1-4 -سىنىپتا وقيتىن 607 مىڭنان استام وقۋشى (%41) تەگىن ىستىق تاماقپەن قامتاماسىز ەتىلگەن. ونىڭ ىشىندە 100 پايىز دەڭگەيدە نۇر- سۇلتان، شىمكەنت قالالارىندا، اتىراۋ، باتىس قازاقستان، قاراعاندى، پاۆلودار وبلىستارىندا، سونداي- اق اقمولا، ماڭعىستاۋ وبلىستارىنىڭ ءبىرىنشى سىنىپ وقۋشىلارى قامتىلعان.
ال بيىل قىركۇيەك ايىنان باستاپ الماتىدا 1-4- سىنىپ وقۋشىلارىنا تەگىن تاماق بەرىلەدى.
ە. توعجانوۆتىڭ ايتۋىنشا، ءار وقۋشىنى تەگىن تاماقپەن قامتاماسىز ەتۋ ماسەلەسىن شەشۋ كەزەڭ- كەزەڭمەن ىسكە اسىرىلادى. باستاۋىش سىنىپتارداعى 1,5 ميلليون بالانى 100 پايىز ءبىر رەتتىك تاماقتاندىرۋمەن قامتۋ ءۇشىن جىل سايىن قوسىمشا 150 ميلليارد تەڭگە كەرەك بولادى. ال 1-11 -سىنىپ وقۋشىلارىن قامتۋعا جىلدا قوسىمشا 380 ميلليارد تەڭگەدەن استام قاجەت.
بۇدان بۇرىن حابارلانعانداي، جاڭا وقۋ جىلىندا الماتى قالاسىنىڭ 1-4- سىنىپ وقۋشىلارى تەگىن ىستىق تاماقپەن قامتىلادى.
اۆتور
رۋسلان عابباسوۆ
