ۋكرايناداعى اتوم ەلەكتر ستانسياسى توڭىرەگىندەگى احۋال ۋشىعىپ بارادى
ەۋروپاداعى ەڭ ءىرى اتوم ەلەكتر ستانسياسى سانالاتىن زاپوروجەدەگى قوندىرعى ناۋرىزدا رەسەي اسكەرىنىڭ باقىلاۋىنا وتكەن. كەيىنگى ۋاقىتتا ماسكەۋ مەن كيەۆ بۇل نىسانعا جاسالعان شابۋىلدار ءۇشىن ءبىرىن- ءبىرى ايىپتاپ كەلەدى.
بىرەر كۇن بۇرىن اتوم ەلەكتر ستانتسياسى توڭىرەگىندەگى احۋالدى تالقىلاۋ ءۇشىن ۋكرايناعا ب ۇ ۇ- نىڭ باس حاتشىسى كەلگەن ەدى. رەسەي قورعانىس مينيسترلىگىنىڭ وكىلدەرى جوعارى لاۋازىمدى تۇلعانىڭ ساپارى كەزىندە ۋكراينالىقتار قاساقانا ارانداتۋ ارەكەتىن ۇيىمداستىراتىنىن ەسكەرتكەن. ستانسيا ورنالاسقان ەنەرگودار قالاسىنا رادياتسيادان قورعانۋ ءۇشىن كالي يوديدىنىڭ 25 مىڭ تابلەتكاسى جەتكىزىلگەن. شاھار باسشىسى بۇل ساقتىق رەتىندە جاسالىپ وتىرعان شارا ەكەنىن ءتۇسىندىردى. ايتۋىنشا، ازىرگە توڭىرەكتەگى رادياتسيالىق كورسەتكىشتەر قالىپتى مەجەدەن اسپاعان.
