مۇعالىمدەر «ۇستازدىق قىزمەتىنە ادالدىعى ءۇشىن» قۇرمەت بەلگىسىمەن ماراپاتتالماق
بۇل تۋرالى «اشىق» نورماتيۆتىك- قۇقىقتىق اكتىلەر سايتىندا جاريالانعان ق ر وقۋ- اعارتۋ مينيسترلىگىنىڭ قاۋلىسىندا كورسەتىلگەن، دەپ حابارلايدى قازاقپارات ءتىلشىسى.
«ۇستازدىق قىزمەتىنە ادالدىعى ءۇشىن» قۇرمەت بەلگىسى 25 جىل پەداگوگيكالىق جۇمىس ءوتىلى بار ۇستازدارعا بەرىلەدى. ونىڭ ماقساتى - 25 جىلدىق ەرەن ەڭبەگىن ەلەپ، وسى قىزمەتتە سىڭىرگەن ۇلەسىن ەسكەرۋ جانە وعان ريزاشىلىق ءبىلدىرۋ. قۇرمەت بەلگىسى مەكتەپكە دەيىنگى جانە ورتا ءبىلىم بەرۋ ۇيىمدارىنىڭ، تەحنيكالىق جانە كاسىپتىك، ورتا بىلىمنەن كەيىنگى ءبىلىم بەرۋ ۇيىمدارىنىڭ، مامانداندىرىلعان ارنايى ءبىلىم بەرۋ ورىندارىنىڭ، جەتىم بالالار مەن اتا- انا قامقورلىعىنسىز قالعان بالالارعا ارنالعان مەكتەپتەردىڭ پەداگوگتەرىنە بەرىلەدى»، - دەلىنگەن مينيسترلىك قۇجاتىندا.
قاۋلى جوباسى بيىلعى 5- قىركۇيەككە دەيىن قوعام تالقىلاۋىندا بولادى.
ەسكە سالساق، بۇعان دەيىن وقۋ- اعارتۋ ءمينيسترى اسحات ايماعامبەتوۆ مەكتەپتە جاس مۇعالىمدەردى قولداۋدىڭ جاڭا فورماتى ەنگىزىلەتىنىن ءمالىم ەتكەن ەدى.
اۆتور
ءاليحان اسقار
