قازاقستان حالقىنا قورى الاياقتىق فاكتىلەردىڭ كوبەيگەنىن ەسكەرتەدى

نۇر- سۇلتان. قازاقپارات - تۇرعىندارعا «قازاقستان حالقىنا» قوعامدىق قورى اتىنان الاياقتاردىڭ قوڭىراۋ شالۋى جيىلەپ كەتتى، دەپ حابارلايدى قازاقپارات اتالعان ۇيىمعا سىلتەمە جاساپ.

«قۇرمەتتى قولدانۋشىلار، «قازاقستان حالقىنا» قوعامدىق قورى الاياقتىق فاكتىلەرى كوبەيىپ جاتقانىن ەسكەرتەدى. الاياقتار وزدەرىن قور وكىلدەرى رەتىندە تانىستىرادى. ولارعا تۇرعىندارعا جاردەم ۇسىنىپ، «قازاقستان حالقىنا» قورىنا جۇگىنگەندەر ماتەريالدىق تولەمگە يە بولا الاتىنىن ايتادى. سونداي- اق، قولداۋ كومەگىن الۋ ءۇشىن الاياقتار ابونەنتتەردەن «1414» قىسقا نومىرىنەن SMS- حابارلاما ارقىلى جىبەرىلگەن كودتى جازۋدى، سودان كەيىن «قازپوشتا» ا ق ارقىلى اقشا الۋدى سۇرايدى»، - دەلىنگەن اقپاراتتا.

وسى ورايدا قور قازاقستاندىقتاردى ساق بولۋعا شاقىرادى.

«قازاقستان حالقىنا» قورى «قازپوشتا» ا ق ارقىلى قولما- قول تولەمدەردى تاعايىندامايدى جانە قور قىزمەتكەرلەرى ەشبىر جاعدايدا SMS- كود سۇرامايدى. الاياقتارمەن ەشقانداي اقپاراتپەن بولىسپەڭىز. سونىمەن قاتار «1414» نومىرىنەن الىنعان قۇپيا كودتى ءۇشىنشى تۇلعامەن بولىسپەڭىز»، - دەپ حابارلايدى اتالعان ۇيىمنان.

ودان بولەك، مەسسەندجەر ارقىلى بەينە- اۋديوقوڭىراۋدىڭ جاسالمايتىندىعى ەسكەرتەلگەن.

«بارلىق ءوتىنىم تەك qazaqstanhalqyna.kz جانە атаmekenim.kz قايىرىمدىلىق ۇيىمىنىڭ سايتىندا ءبىرىڭعاي رەستر ارقىلى قابىلدانادى. ول جەردە قولدانۋشى ءوز ءوتىنىشى جايلى تولىق اقپارات الا الادى»، - دەپ تولىقتىردى «قازاقستان حالقىنا» قورىنان.

فوتو: get.pxhere.com

اۆتور

داۋلەت ىزتىلەۋ