ۋكراين بوكسشىسى ۋسيك بريتاندىق دجوشۋانى ەكىنشى مارتە جەڭدى
بۇل ايقاستا ۋسيك ءوزىنىڭ وىعان دەيىن جەڭىپ العان سۋپەراۋىر سالماقتاعى WBA Super، WBO، IBF جانە IBO بەلبەۋلەرىن باسكە تىكتى. بۇل كەزدەسۋ 12 راۋندقا شاقتالعان. ءادىلقازى شەشىمىمەن جەڭىس ۋكراين بوكسشىسى الەكساندر ۋسيككە بۇيىردى.
وسىلايشا ۋسيك ءوزىنىڭ كاسىبي سپورت جولىندا جيىرماسىنشى مارتە جەڭىسكە قول جەتكىزىپ، چەمپيوندىق تيتۋلدارىن ءساتتى قورعاپ شىقتى.
ال ەنتوني دجوشۋا وسىمەن ءۇشىنشى رەت جەڭىلىپ قالدى.
ەسكە سالا كەتەيىك، ۋسيك پەن دجوشۋانىڭ ءبىرىنشى جەكپە-جەگى 2021-جىلدىڭ 25- قىركۇيەگىندە لوندون قالاسىندا وتكەن ەدى. ول كەزدە دە ۋكراين بوكسشىسى ءادىلقازى القاسىنىڭ ءبىراۋىزدان قابىلداعان شەشىمىمەن باسىم تۇسكەن.
Daily Star حابارلاۋىنشا، ەكەۋى دە قوماقتى قارجىلاي جۇلدەگە يە بولعان. ءار سپورتشى 40 ميلليون دوللاردان الادى، ورتاق قور ەكەۋىنىڭ اراسىندا تەڭدەي بولىنگەن. ال مۇنىڭ الدىنداعى ءبىرىنشى ايقاستا ءارقايسىسى 30 ميلليون دوللاردان جۇلدەلى بولعان ەدى.
