11:34, 21 - تامىز 2022 | GMT +5
حابيب نۋرماگومەدوۆ قازاقستان حالقىنا ۇندەۋ جاسادى
نۇر-سۇلتان. قازاقپارات - UFC بۇرىنعى چەمپيونى، Eagle FC پروموۋشنىنىڭ جەتەكشىسى حابيب نۋرماگومەدوۆ قازاقستاندىقتارعا ۇندەۋ جاسادى، دەپ حابارلايدى قازاقپارات.
«نۇر-سۇلتان، ارينە، سوڭعى بەس-التى جىلدا كوپ وزگەردى، مەن مۇندا ءبىرىنشى رەت كەلىپ تۇرعان جوقپىن، وزگەرىستەردى ءار كەلگەن سايىن بايقايمىن.
قازاقستاننىڭ بارلىق تۇرعىندارىنا ساتتىلىك جانە دەنساۋلىق تىلەيمىن!
ەرتەڭ ۇلكەن مەرەيتويلىق تۋرنير وتەتىن «بارىس ارەنادا» كەزدەسكەنشە»، - دەپ جازدى سپورتشى Instagram پاراقشاسىندا.
ايتا كەتەيىك، 21- تامىزدا وتەتىن Eagle FC تۋرنيرىندە قازاقستاندىق ارالاس جەكپە-جەك شەبەرى ديار نۇرعوجاي جارتىلاي اۋىر سالماقتا رەسەيلىك كونستانتين ادرەيتسيەۆپەن چەمپيوندىق اتاق ءۇشىن جۇدىرىقتاسادى.
بۇعان دەيىن Eagle FC پروموۋتەرلىك پرەزيدەنتى شاميل زاۆۋروۆ حابيب نۋرماگومەدوۆتىڭ ماتچتار مەن جەكپە-جەكتەردى جۇپتاستىرۋعا قاتىسۋى تۋرالى ايتقان بولاتىن.
