قوس قازاقستاندىق بالۋان جاستار اراسىندا الەم چەمپيوناتىنىڭ كۇمىس جۇلدەگەرى اتاندى

نۇر-سۇلتان. قازاقپارات - قازاقستاندىقتار التىن شاعايەۆا مەن اناستاسيا پاناسوۆيچ بولگاريا استاناسى سوفيادا 20 جاسقا دەيىنگىلەر اراسىندا ءوتىپ جاتقان الەم چەمپيوناتىنىڭ كۇمىس جۇلدەگەرى اتاندى، دەپ حابارلايدى قازاقپارات ءتىلشىسى.

فينالعا دەيىن سۇرىنبەي جەتكەن التىن شاعايەۆا 53 كەلىگە دەيىنگى سالماقتا ءۇندىستاندىق انتيمگە 0:8 ەسەبىمەن ەسە جىبەردى.

ا. شاعايەۆا جارتىلاي فينالدا مىسىرلىق اتەف موحامەدتى ۇتقان بولاتىن.

باتىس قازاقستاندىق اناستاسيا پاناسوۆيچ 72 كەلىگە دەيىنگى سالماقتا جارتىلاي فينالدا جاپونيالىق سۋميرە نييكۋرەدەن باسىم ءتۇستى. ايتسە دە فينالدا امەريكالىق اميت ەلورگە جول بەردى.

باتىس قازاقستان وبلىسىنىڭ تاعى ءبىر وكىلى زەينەپ بايانوۆا قولا جۇلدە ءۇشىن باسەكەدە ۋكراينالىق ولەكساندرا حومەنەتسكە ەسە جىبەردى.

18- تامىز كۇنى مەرەي بازاربايەۆ 57 كەلىگە دەيىنگى سالماقتا كۇمىس، ءمادينا امان (59 كەلى) قولا جۇلدەگە يە بولعان ەدى.