16:03, 17 - تامىز 2022 | GMT +5
قىتايدا كوروناۆيرۋس قايتادان ءورشىدى
نۇر-سۇلتان. قازاقپارات -ءبىر كۇننىڭ ىشىندە 650 دەي ادام ىندەت جۇقتىرعان. جەرگىلىكتى دەنساۋلىق ساقتاۋ كوميسسياسىنىڭ حابارلاۋىنشا، كوۆيد 10 پروۆينتسيادا انىقتالدى، ەڭ كوبى حايناندا.
وندا 482 ناۋقاس تىركەلگەن. بۇدان بولەك ەپيدجاعداي جىجياڭ، گۋاڭدۋڭ جانە سىچۋان ايماعىندا دا ۋشىققان. ازىرگە ىندەتتەن كوز جۇمعاندار تۋرالى اقپارات جوق. ايتا كەتەيىك، تاياۋدا عانا حاينان ارالىنداعى سانيا قالاسىندا كارانتين جاريالانىپ، 80 مىڭعا جۋىق تۋريست قامالىپ قالعان بولاتىن. بيلىك ناۋقاستار سانىنىڭ كۇرت ارتۋىنا بايلانىستى قالاعا تەمىرجول بيلەتىن ساتۋدى توقتاتىپ، بارلىق رەيستى كەيىنگە قالدىردى.
www.24.kz
