ۇيگە گاز تارتۋ نەگە قىمبات - استانا اكىمدىگى تۇرعىندار شاعىمىنا جاۋاپ بەردى

نۇر- سۇلتان. قازاقپارات - ەلىمىزدىڭ بارلىق وڭىرىندە ۇيگە گاز تارتۋ قۇنى بىردەي. بۇل تۋرالى نۇر- سۇلتان قالالىق وتىن- ەنەرگەتيكالىق كەشەنى جانە كوممۋنالدىق شارۋاشىلىق باسقارماسى وتىن- ەنەرگەتيكالىق رەسۋرستار ءبولىمىنىڭ باسشىسى ماقسات ەسماعۇلوۆ ايتتى، دەپ حابارلايدى قازاقپارات ءتىلشىسى.

«اكىمدىك پەن «قازترانسگاز» جوباسىندا جەلىلەردى ءاربىر ءۇيدىڭ قورشاۋىنا دەيىن جەتكىزىپ، جەر بەتىنە شىعارۋ، ياعني قوسۋ نۇكتەسىن قالدىرۋ قاراستىرىلعان. ودان ءارى تۇرعىن گازبەن جابدىقتاۋ تۋرالى زاڭناماعا سايكەس نارىق تارتىبىندە اككرەديتتەلگەن جەكە كومپانيانى جالدايدى»، - دەدى ماقسات ەسماعۇلوۆ ەلوردا اكىمدىگىندە وتكەن باسپا ءسوز ءماسليحاتىندا ب ا ق وكىلدەرىنىڭ ساۋالىنا وراي.

ونىڭ اتاپ وتۋىنشە، گازدى قوسۋ قۇنى مەن شارتى نارىقتىق بولىپ سانالادى جانە ەشقانداي مەملەكەتتىك ورگان بۇل قىزمەتتى رەتتەمەيدى.

«تۇرعىن كومپانيانى ءوزى تاڭدايدى جانە ونىمەن كەلىسەدى. قوسۋ قۇنىنا قاتىستى كوپ شاعىم بولدى. ءبىراق، بۇل تەك استاناعا عانا ءتان ەمەس ەكەنىن اتاپ وتكىم كەلەدى. قازاقستاننىڭ بارلىق وڭىرىندە وسىنداي جايت. ماسەلەن، باتىس قازاقستان وبلىسىندا نەمەسە جامبىل وبلىسىندا، نە بولماسا ەلوردا گاز قوستىرساڭىز دا، شامامەن قۇنى بىردەي بولادى»، - دەپ ءتۇسىندىردى ول.

بۇعان دەيىن بۇقارالىق اقپارات قۇرالدارىندا اۋدانى 160 شارشى مەتر بولاتىن جەكە ۇيگە 30 مەترلىك گاز قۇبىرىن تارتۋ، جەلدەتۋ قۇرىلعىسىن ورناتۋ جانە باسقا دا جۇمىستاردا قوسا العاندا 755892 مىڭ تەڭگە بولاتىندىعى حابارلانعان ەدى.

فوتو: vesti.ua