وسكەمەندە جوعالىپ كەتكەن بالا كوپىر ماڭىنداعى شۇڭقىردان تابىلدى

وسكەمەن. قازاقپارات - وسكەمەن قالاسىندا ءىز-ءتۇزسىز جوعالىپ كەتكەن بالا تابىلدى، دەپ حابارلايدى قازاقپارات ءتىلشىسى.

بەلگىلى بولعانداي، بالا شۇڭقىرعا قۇلاپ كەتىپ، شىعا الماي قالعان. ونى پوليتسيا قىزمەتكەرى تىلەك ەرلىبەكوۆ تاپتى.

«ىزدەستىرۋ شارالارى بارىسىندا 12 جاستاعى بالا ت م ك كوپىرىنىڭ ماڭىنداعى شۇڭقىردان تابىلدى. قازىر وعان مەديتسينالىق كومەك كورسەتىلىپ جاتىر. سودان كەيىن ول اتا-اناسىنا بەرىلەدى»، - دەدى ش ق و پوليتسيا دەپارتامەنتىنىڭ باسپا ءسوز قىزمەتىنەن.

ەستەرىڭىزگە سالا كەتسەك، اۋتيزمگە شالدىققان تەمىرلان احمەدجانوۆ 14- تامىزدا تۇنگى ساعات 02:30 شاماسىندا ۇيدەن بەلگىسىز باعىتتا شىعىپ كەتكەن.

ونى ىزدەۋگە پوليتسيا قىزمەتكەرلەرى، قۇتقارۋشىلار، كينولوگتار، ق ر ۇلتتىق ۇلانى ساربازدارى مەن ۆولونتەرلەر جۇمىلدىرىلعان بولاتىن.