وتاندىق قالامگەرلەردىڭ دەتەكتيۆ جانرىنداعى شىعارمالارى كىتاپ بولىپ شىعادى

نۇر- سۇلتان. قازاقپارات - وتاندىق قالامگەرلەردىڭ دەتەكتيۆ جانرىنداعى شىعارمالارى كىتاپ بولىپ شىعادى. بۇل تۋرالى ىشكى ىستەر مينيسترلىگى باسپا ءسوز قىزمەتىنىڭ وكىلى شۇعىلا تۇرلىبەك ايتتى، دەپ حابارلايدى قازاقپارات ءتىلشىسى.

«وتكەن جىلى ىشكى ىستەر مينيسترلىگى ەل تاريحىندا تۇڭعىش رەت «سەرت» دەتەكتيۆ شىعارمالارىنىڭ رەسپۋبليكالىق بايقاۋىن وتكىزگەن بولاتىن. ادەبي بايقاۋدىڭ باستى ماقساتى - حالىقتىڭ قۇقىقتىق مادەنيەتىن، سونىمەن قاتار قازاقستاندىق پاتريوتيزمدى ارتتىرۋ، قوعام نازارىن پوليتسيا مەن باسقا دا قۇقىق قورعاۋ ورگاندارى قىزمەتكەرلەرىنىڭ قيىن جانە قاۋىپتى جۇمىسىنا اۋدارۋ»، - دەدى ءى ءى م وكىلى ۆەدومستۆونىڭ باسپا ءسوز قىزمەتى الاڭىندا وتكەن بريفينگتە.

ونىڭ اتاپ وتۋىنشە، ىشكى ىستەر مينيسترلىگى قازاقستان پوليتسياسىنىڭ 30 جىلدىق مەرەيتويى اياسىندا رەسپۋبليكالىق «سەرت» بايقاۋىن جاريالادى. بايقاۋعا قاتىساتىن شىعارمالار وسى جىلدىڭ 15- قىركۇيەگىنە دەيىن قابىلدانادى.

«ىشكى ىستەر مينيسترلىگى بايقاۋعا قاتىسۋعا شاقىرادى. جەڭىمپازدار قازاقستاننىڭ تاۋەلسىزدىك كۇنىنە وراي جاريالانادى. ال بايقاۋ قورىتىندىسى بويىنشا دەتەكتيۆ جانرىنداعى قازىرگى زامانعى وتاندىق جازۋشىلاردىڭ شىعارمالارى جيناقتالعان كىتاپ باسىلادى»، - دەدى شۇعىلا تۇرلىبەك.

فوتو: images.pexels.com

اۆتور

مارلان جيەمباي