12:21, 15 - تامىز 2022 | GMT +5
جامبىل وبلىسى بويىنشا تەكسەرۋ كوميسسياسىنىڭ ءتوراعاسى الاياقتىق ءۇشىن سوتتالدى
نۇر- سۇلتان. قازاقپارات - جامبىل وبلىسى بويىنشا تەكسەرۋ كوميسسياسىنىڭ ءتوراعاسى جاناتبەك دجاپاروۆقا 45 ميلليون تەڭگە ايىپپۇل جازاسى تاعايىندالدى، دەپ حابارلايدى قازاقپارات سىبايلاس جەمقورلىققا قارسى ءىس- قيمىل اگەنتتىگىنە سىلتەمە جاساپ.
«12- تامىزدا تاراز قالاسىنىڭ №2 سوتىنىڭ ۇكىمىمەن جامبىل وبلىسى بويىنشا تەكسەرۋ كوميسسياسىنىڭ ءتوراعاسى جاناتبەك دجاپاروۆ الاياقتىق ءۇشىن كىنالى دەپ تانىلىپ، وعان 45 ميلليون تەڭگە كولەمىندە ايىپپۇل جازاسى تاعايىندالىپ، مەملەكەتتىك قىزمەتتە لاۋازىمداردى اتقارۋ قۇقىعىنان ايىرىلدى.
2020 -جىلدىڭ قىركۇيەك ايىندا دجاپاروۆ سۋبسيديا تولەۋ زاڭدىلىعى بويىنشا وڭتايلى اۋديتورلىق ەسەپ بەرۋگە ىقپال ەتكەنى ءۇشىن كاسىپكەردەن 3 ميلليون تەڭگە العان»، - دەلىنگەن رەسمي حابارلامادا.
رەداكتور
گۇلنۇر قالدىبايەۆا
