بولاشاق جازۋشىعا كەڭەس

نۇر- سۇلتان. قازاقپارات - «قازىر كىمنىڭ قالتاسى قالىڭ، سونىڭ كىتابى بار»- دەپ زاماندى جازعىرامىز. عالىمداردىڭ زەرتتەۋى بويىنشا، ءاربىر ادامنىڭ قولىنان كىتاپ جازۋ كەلەدى.

تەك بىرەۋلەرگە ساۋاتتىلىق، ال بىرەۋلەرگە سول ءىستى باستاۋ ءۇشىن جىگەر جەتىسپەيدى. وقىرماندارىمىزدىڭ اراسىندا جازۋشى بولۋدى ارماندايتىن جاندار بارىن ءبىز جاقسى بىلەمىز. سوندىقتان بولاشاق جازۋشىلارعا ارنالعان كەڭەستەردى ۇسىنامىز.

- شىدامدى بولىڭىز كوپتەگەن شىعارماشىلىق ادامدار كىتاپ جازۋ ءىش پىستارارلىق، ءارى باياۋ جىلجيتىن جۇمىس ەكەنىن ۇمىتىپ، قيالعا بوي الدىرادى. ويىنداعى كەرەمەت وقيعا جەلىسىن قاعازعا ءتۇسىرۋ ءسىز ويلاعاننان الدەقايدا قيىن. كاسىبي جازۋشىلار كىتاپتى بىرنەشە قايتارا جازۋدى ۇسىنادى. ويتكەنى، ءسىز ءار پاراعىن جەتىلدىرەمىن دەپ جۇرگەندە ارادا جىلدار ءوتىپ كەتۋى مۇمكىن. ال، سول ۋاقىت ارالىعىندا ءسىزدىڭ ومىرلىك كوزقاراسىڭىز وزگەرەدى. ءبىر وقىپ شىعىپ، قاتە تاباتىنىڭىز ءسوزسىز.. .

- ءوزىڭىز ءۇشىن جازىڭىز ارينە، وقىرماندى ويلاعان ءجون. ءبىراق، وزىڭىزگە قوزعاپ وتىرعان تاقىرىبىڭىز قىزىق بولماسا، ناتيجەسى ءسىز ويلاعانداي بولمايدى. كەي جازۋشىلار، ءوزىڭىز بىلەتىن دۇنيەنى ەمەس، سىزگە قىزىعىراق دۇنيەنى جازۋدى ۇسىنادى.

- شابىت ىزدەپ اۋرە بولماڭىز اقىن بولۋدى قالاساڭىز، شابىت ءسوزسىز كەرەك. كىتاپ جازۋدى قالاساڭىز، شابىت كەلمەگەن ساتتە دە جۇمىس ۇستەلىنە جايعاسۋعا تۋرا كەلەدى. كاسىبي جازۋشىلاردىڭ ءوزى كەيدە وزدەرىن ماجبۇرلەيتىندىگى تۋرالى ايتادى. ۋاقىتىڭىزدى شابىت ىزدەيمىن دەپ جوعالتپاڭىز. شابىت جۇمىس بارىسىندا- اق كەلەدى.

- وزىڭىزگە ساي جۇمىس ورنىن تابىڭىز ول تەك ءبىر جەر بولماۋى مۇمكىن. ءوزىڭىزدىڭ بولمەڭىزدە، تابيعات اياسىندا، ءتىپتى شاعىن مەيرامحانالاردا جازا الاسىز. ءبىراق، ءسىزدىڭ ويلارىڭىزدى وياتاتىن ىڭعايلى جەر بولعانى دۇرىس.

- باقىلاڭىز ءارى جازىڭىز كەيبىر جازۋشىلار ومىردەن الىپ جاتىرمىن دەگەن ويمەن اقىلعا قونىمسىز ديالوگتار قۇراستىرادى. بۇل - شىعارماشىلىعىڭىزدىڭ ەڭ ۇلكەن جاۋى. شىندىعىندا، بۇل ءادىستى بارلىق جازۋشى قولدانادى. تەك ونى شىنايى تۇردە جەتكىزە الاتىندار بار. ال، جازۋشىلىققا ەندى بەت بۇرىپ جاتساڭىز، اينالاڭىزدى باقىلاپ، كەزدەستىرگەن ديالوگتار مەن ويلاردى جازىپ الىڭىز.

- ويىڭىزدى قاعازعا ءتۇسىرىڭىز ەلەكتروندى رەداكتورلارعا قاراعاندا، قاعازدىڭ بەرەر مۇمكىندىگى مول. ويىڭىزعا ەشنارسە كەلمەسە، قاعاز بەن قالامدى قولىڭىزعا الىپ سۋرەتتەر سالىپ، شيمايلاي باستاڭىز. سىزگە كەرەك دۇنيە تاپپايىنشا، ۋاقىتىڭىزدى قاعازبەن وتكىزسەڭىز دە بولادى. ەسەسىنە، ويدان وي تۋىپ، جاڭا باستاماڭىزدى قولعا الا الاسىز.

- جازباڭىز ۇناماسا، قايتا جازىڭىز ءوزىڭىزدى الداماڭىز. ەگەر قاتەلىكتى ءوز كوزىڭىزبەن كورىپ، جازباڭىز كوڭىلىڭىزدەن شىعا قويماسا، قايتادان جازىڭىز. بۇل جولى جازباڭىز ءسىزدىڭ كوڭىلىڭىزدەن شىعارى ءسوزسىز. ويتكەنى قاتەڭىزدى جاقسى بىلەسىز ءارى تاجىربيەڭىز بار. ساتتىلىك تىلەيمىز، جاس جازۋشى!

Massaget.kz