دانيار جانالينوۆ مەملەكەتتىك كىرىستەر كوميتەتىنىڭ ءتوراعاسى بولىپ تاعايىندالدى

نۇر- سۇلتان. قازاقپارات – ق ر قارجى ءمينيسترىنىڭ بۇيرىعىمەن دانيار ەرەنعالي ۇلى جانالينوۆ ق ر قارجى ۆيتسە- ءمينيسترى قىزمەتىنەن بوساتىلىپ، ق ر قارجى مينيسترلىگى مەملەكەتتىك كىرىستەر كوميتەتىنىڭ ءتوراعاسى بولىپ تاعايىندالدى.

بۇل تۋرالى ق ر پرەمەر- ءمينيسترىنىڭ باسپا ءسوز قىزمەتى حابارلايدى.

دانيار جانالينوۆ 1975 -جىلى الماتى وبلىسىندا دۇنيەگە كەلگەن.

قازاق كولىك جانە كوممۋنيكاتسيا اكادەمياسىن بىتىرگەن.

ەڭبەك جولىن 2000 -جىلى تالدىقورعان قالاسى بويىنشا سالىق كوميتەتىنىڭ اۋديت ءبولىمى زاڭدى تۇلعالار سالىق اۋديتى سەكتورىنىڭ سالىق ينسپەكتورى قىزمەتىنەن باستادى.

2002-2008 -جىلدارى الماتى وبلىسى بويىنشا سالىق كوميتەتىندە ءتۇرلى قىزمەتتەر اتقارعان.

2008-2010 -جىلدارى - الماتى وبلىسى بويىنشا سالىق دەپارتامەنتى باستىعىنىڭ ورىنباسارى.

2010-2014 -جىلدارى ق ر قارجى مينيسترلىگى سالىق كوميتەتىنىڭ قۇرىلىمىندا باسشىلىق قىزمەتتەردى اتقاردى.

2014-2018 -جىلدارى – ق ر قارجى مينيسترلىگى مەملەكەتتىك كىرىستەر كوميتەتىنىڭ سولتۇستىك قازاقستان وبلىسى بويىنشا مەملەكەتتىك كىرىستەر دەپارتامەنتىنىڭ باسشىسى.

2018-2021 -جىلدارى – ق ر قارجى مينيسترلىگى مەملەكەتتىك كىرىستەر كوميتەتىنىڭ ماڭعىستاۋ وبلىسى بويىنشا مەملەكەتتىك كىرىستەر دەپارتامەنتىنىڭ باسشىسى.

2021 -جىلعى تامىز ايىنان باستاپ ق ر قارجى ۆيتسە- ءمينيسترى بولىپ جۇمىس اتقارعان.

فوتو: primeminister.kz

رەداكتور ەربول جانات