باقىتجان ساعىنتايەۆ جاڭا قىزمەتكە تاعايىندالدى

نۇر- سۇلتان. قازاقپارات - ەۋروازيا ىنتىماقتاستىعىنىڭ قارجى- بانك قاۋىمداستىعىنىڭ (ە ا س ف ب ا) كەزەكتەن تىس جالپى جينالىسىنىڭ شەشىمىمەن ەكونوميكا جانە قارجى ساياساتى ءمينيسترى باقىتجان ساعىنتايەۆ قاۋىمداستىقتىڭ باقىلاۋ كەڭەسىنىڭ ءتوراعاسى بولىپ سايلاندى، دەپ حابارلايدى قازاقپارات ەۋرازيالىق ەكونوميكالىق كوميسسيانىڭ سايتىنا سىلتەمە جاساپ.

جالپى جينالىس بارىسىندا SLC- Rus كومپانياسىنىڭ نەگىزىن قالاۋشى لي شوبين (قىتاي) ە ا ى ق ب ق پرەزيدەنتى بولىپ سايلاندى.

ە ا ى ق ب ق - ەۋرازيانىڭ 26 ەلىنەن كاسىپكەرلەردىڭ، كوممەرتسيالىق ۇيىمدار مەن بانكتەردىڭ، قوعامدىق جانە عىلىمي- وندىرىستىك بىرلەستىكتەردىڭ قارجىلىق، بانكتىك جانە ىسكەرلىك وداقتارىن بىرىكتىرەتىن قوعامدىق ۇكىمەتتىك ەمەس ۇيىم.

قاۋىمداستىق قىزمەتىنىڭ ماقساتتارى:

- قاۋىمداستىق مۇشەلەرىنىڭ قۇقىقتارى مەن زاڭدى مۇددەلەرىن قورعاۋ، ولاردىڭ قىزمەتىنىڭ تيىمدىلىگىن ارتتىرۋ ماقساتىندا ولارعا كونسۋلتاتسيالىق، ادىستەمەلىك جانە وزگە دە كومەك كورسەتۋ؛

- قاۋىمداستىق مۇشەلەرىن قىزىقتىرعان قارجى- بانك جانە كاسىپكەرلىك قىزمەت ماسەلەلەرى بويىنشا بىرلەسكەن شەشىمدەر ازىرلەۋ؛

- ەۋرازيا ەلدەرى بيزنەس قوعامداستىعىنىڭ شوعىرلاندىرىلعان ۇستانىمىن قالىپتاستىرۋ جانە مەملەكەتتىك بيلىك ورگاندارىنا جانە حالىقارالىق ۇيىمدارعا ۇسىنۋ؛

- ەۋرازيا ەلدەرى كاسىپكەرلەرىنىڭ ءتيىمدى قارجى- بانك، ساۋدا- ەكونوميكالىق، وندىرىستىك، عىلىمي- تەحنيكالىق جانە ينۆەستيتسيالىق ىنتىماقتاستىعى ءۇشىن جاعداي جاساۋ.

باقىتجان ءابدىر ۇلى ساعىنتايەۆ 1963 -جىلدىڭ 13 -قازانىندا تۋعان. 1985 -جىلى س. م. كيروۆ اتىنداعى قازاق مەملەكەتتىك ۋنيۆەرسيتەتىن «ەكونوميست» ماماندىعى بويىنشا بىتىرگەن. ەكونوميكا عىلىمدارىنىڭ كانديداتى، ديسسەرتاتسيا تاقىرىبى: «قالا جانە اۋىل حالقىنىڭ ءومىر ءسۇرۋ دەڭگەيى مەن جاعدايلارى» (1990).

1985-1988 -جىلدارى- الماتى حالىق شارۋاشىلىعى ينستيتۋتىنىڭ ساياسي ەكونوميكا كافەدراسىنىڭ وقىتۋشىسى.

1988-1992 -جىلدارى- س. م. كيروۆ اتىنداعى قازاق مەملەكەتتىك ۋنيۆەرسيتەتىنىڭ الەۋمەتتانۋ كافەدراسىنىڭ اسسيستەنتى، اعا وقىتۋشىسى، دوتسەنتى.

1992-1993 -جىلدارى - «مارۋە» تۋريستىك- كوممەرتسيالىق فيرماسىنىڭ پرەزيدەنتى.

1993-1997 -جىلدارى - «قازمەت» ا ق باس ديرەكتورى.

1997-1998 -جىلدارى - «لۋكويلنەفتەگازستروي- ك» ج ا ق باس مامانى، باس ديرەكتورىنىڭ ورىنباسارى.

1998-2002 -جىلدارى- جامبىل وبلىسى اكىمىنىڭ ورىنباسارى. قازاقستان رەسپۋبليكاسى شاعىن بيزنەستى قولداۋ اگەنتتىگى ءتوراعاسىنىڭ ورىنباسارى. «شاعىن كاسىپكەرلىكتى دامىتۋ قورى» ج ا ق باسقارماسىنىڭ ءتوراعاسى. قازاقستان رەسپۋبليكاسى تابيعي مونوپوليالاردى رەتتەۋ، باسەكەلەستىكتى قورعاۋ جانە شاعىن بيزنەستى قولداۋ جونىندەگى اگەنتتىگى ءتوراعاسىنىڭ ورىنباسارى.

2002-2004 -جىلدارى- قازاقستان رەسپۋبليكاسى تابيعي مونوپوليالاردى رەتتەۋ جانە باسەكەلەستىكتى قورعاۋ اگەنتتىگى ءتوراعاسىنىڭ ءبىرىنشى ورىنباسارى.

2004-2007 -جىلدارى- قازاقستان رەسپۋبليكاسى تابيعي مونوپوليالاردى رەتتەۋ اگەنتتىگىنىڭ ءتوراعاسى.

2007-2008 -جىلدارى- قازاقستان رەسپۋبليكاسى پرەمەر- ءمينيسترى كەڭسەسىنىڭ باسشىسى. 2008-2012 -جىلدارى- پاۆلودار وبلىسىنىڭ اكىمى.

2012 -جىلى- قازاقستان رەسپۋبليكاسىنىڭ ەكونوميكالىق دامۋ جانە ساۋدا ءمينيسترى.

2012-2013 -جىلدارى - «نۇر وتان» حالىقتىق دەموكراتيالىق پارتياسى ءتوراعاسىنىڭ ءبىرىنشى ورىنباسارى. قازاقستان رەسپۋبليكاسى پرەمەر- ءمينيسترىنىڭ ءبىرىنشى ورىنباسارى - قازاقستان رەسپۋبليكاسىنىڭ وڭىرلىك دامۋ ءمينيسترى.

2014-2016 -جىلدارى- قازاقستان رەسپۋبليكاسى پرەمەر- ءمينيسترىنىڭ ءبىرىنشى ورىنباسارى.

2016-2019 -جىلدارى- قازاقستان رەسپۋبليكاسىنىڭ پرەمەر- ءمينيسترى. 2019 -جىلدىڭ 1 - ناۋرىزىنان 24- ناۋرىزعا دەيىن - قازاقستان رەسپۋبليكاسىنىڭ مەملەكەتتىك حاتشىسى.

2019 -جىلدىڭ ناۋرىز ايىنان ماۋسىمعا دەيىن - قازاقستان رەسپۋبليكاسى پرەزيدەنتى اكىمشىلىگىنىڭ باسشىسى. 2019 -جىلدىڭ 28 -ماۋسىمىنان 2022 -جىلدىڭ 31 -قاڭتارىنا دەيىن - الماتى قالاسىنىڭ اكىمى.

فوتو: eec.eaeunion.org

اۆتور سماعۇلوۆا ەركەجان