اسحات ايماعامبەتوۆ اۋىل مەكتەپتەرىنىڭ باستى پروبلەماسىن اتادى
«اۋىل مەن قالا دەپ كۇندە ايتا بەرەمىز. ءبىراق، ماسەلە اۋىل مەن قالادا ەمەس. ارينە، اۋىل مەن قالانىڭ ءبىلىم ساپاسىندا الشاقتىق بار. ونى ەشكىم جوق دەمەيدى. الايدا، ءبىز ءۇشىن پروبلەمالىق ماسەلە وسى عانا ەمەس. مۇنان دا زور پروبلەمالار بولادى. ول - ءارتۇرلى وڭىرلەردى ءبىر-بىرىمەن سالىستىرعانداعى ءبىىلم ساپاسىنىڭ الشاقتىعى. ماسەلەن، سولتۇستىك قازاقستان وبلىسىنداعى اۋىل مەكتەپتەرىنىڭ ورتاشا بالى تۇركىستان وبلىسىنداعى قالالىق مەكتەپتەردىڭ ورتاشا بالىنان جوعارى، قىزىلوردا وبلىسىنداعى قالالىق مەكتەپتەردىڭ ورتاشا بالىنان ارتىق. سوندىقتان، بۇل ماسەلەنى كەڭىنەن قاراۋ كەرەك»، - دەدى مينيستر.
سونىمەن قاتار، ول اۋىل مەكتەپتەرى مۇعالىمدەرىنىڭ جالاقىسىنا 25 پايىز ۇستەماقى قوسىلاتىندىعىن ايتا كەلە، كەمشىلىكتەرگە دە توقتالدى.
«ءبىرىنشى - مۇعالىمدەردىڭ، ناقتى ءپان بويىنشا ساباق بەرەتىن مىقتى مۇعالىمدەردىڭ جەتىسپەۋشىلىگى باستى پروبلەما بولىپ وتىر. ەكىنشى - ينتەرنەتتىڭ بارلىق مەكتەپتە تولىققاندى بولماۋى. ءۇشىنشى - ماتەريالىق- تەحنيكالىق بازا. دەگەنمەن، ەڭ باستىسى - پەداگوگ. مۇعالىم - مەكتەپتىڭ جۇرەگى. سوندىقتان، مۇعالىم جەتىسپەۋشىلىگى بولسا، وندا باسقا ماسەلەلەردى شەشۋ وتە قيىن»، - دەدى اسحات ايماعامبەتوۆ.
