ا ق ش-تا باعا ءوسىپ جاتىر
ەڭبەك ستاتيستيكاسى بيۋروسى اي سايىن ينفلياتسيانىڭ قالاي وزگەرەتىنىن كورسەتەتىن تۇتىنۋ باعاسىنىڭ يندەكسىن شىعاردى. بەنزين باعاسىنىڭ %7,7 عا تومەندەۋىنە قاراماستان، بۇل دەفلياتسيا ازىق- تۇلىك پەن تۇرعىن ءۇي باعاسىنىڭ ينفلياتسياسى ەسەبىنەن وتەلىپ، شىلدەدە جالپى تۇتىنۋ باعالارىنىڭ يندەكسى وزگەرىسسىز قالدى.
ماۋسىم ايىمەن سالىستىرعاندا تۇرعىن ءۇيدى جالعا الۋ %0,7 عا، ازىق- تۇلىك %1 عا قىمباتتادى.
جالپى ازىق-تۇلىك تاۋارلارى وتكەن جىلدىڭ سايكەس كەزەڭىمەن سالىستىرعاندا %10,9 عا ءوستى. جۇمىرتقا ءبىر جىلدا %38 عا قىمباتتادى، ودان كەيىن مارگارين، ۇن جانە ماي باعاسى كوتەرىلدى.
ازىق-تۇلىككە جاتپايتىن تاۋارلار دا ايتارلىقتاي ءوستى. اس ءۇيدىڭ سانيتارلىق جاعدايىن ساقتاۋعا ارنالعان قولعاپ باعاسى %128 عا ءوستى.
ينفلياتسياعا تاپ بولعان كاسىپورىندار ەكى ءتۇرلى كەدەرگىگە ۇشىرايدى. ولارعا باعانى كوتەرۋ ارقىلى مارجانى تومەندەتۋ نەمەسە شىعىنداردى ازايتۋعا تۋرا كەلەدى. تەحنولوگيا سالاسىنداعى كوپتەگەن كومپانيالار سوڭعى نۇسقانى - قىزمەتكەرلەردى جۇمىستان شىعارۋدى تاڭدادى. ازىق- تۇلىك بيزنەسى شىعىنداردىڭ ءبىر بولىگىن تۇتىنۋشىلارعا اۋىستىرۋ، ازىق- تۇلىك تاۋارلارىنىڭ قۇنىن ارتتىرۋ ارقىلى مارجانى تومەندەتەدى.
فوتو: abcnews.go.com
اۆتور اياۋلىم التىنبەك
