قوستانايدا ءۇش كۇننەن بەرى ىزدەستىرىلىپ جاتقان بەس جاسار قىزدىڭ دەنەسى سۋدان تابىلدى

قوستاناي. قازاقپارات - قوستاناي وبلىسى پوليتسيا دەپارتامەنتىنىڭ باسپا ءسوز قىزمەتى قىزدىڭ ءمايىتى تابىلعانىن حابارلادى، دەپ جازادى قازاقپارات ءتىلشىسى.

«قىز بالا تابىلدى، ول سۋعا باتىپ كەتكەن» ، - دەپ حابارلادى ۆەدومستۆودان.

تولىق تۇسىنىكتەمە جاقىندا بەرىلەدى دەپ سەندىردى پوليتسەيلەر.

ەسكە سالا كەتسەك، بۇعان دەيىن قوستاناي وبلىسىندا 7-تامىزدا ۇيىنەن شىعىپ كەتكەن 5 جاسار قىز ىزدەستىرىلىپ جاتقانى حابارلانعان.

ىزدەۋ جۇمىستارىنا 500-دەن استام پوليتسەي، تىكۇشاقتار، سونداي-اق ۇلتتىق ۇلان مەن شەكاراداعى اسكەري قىزمەتكەرلەر جۇمىلدىرىلدى.

مىڭداعان ادام قىزدى جامبىل اۋىلىنا ىرگەلەس ەگىستىك القاپتاردان ىزدەدى.

كەشە بەس جاسار ءمادينا ەرلان قىزىن ىزدەۋ شارالارى اياسىندا ەگىستىك القاپتىڭ ءار جەرىنە سۋ مەن تاماق بايلانعان شارلار قالدىرۋ جونىندە شەشىم قابىلداندى.

كەشكى ۋاقىتتا ەگىستىك القاپتىڭ ۇستىنەن دەلتاپلاندار ۇشىرىلدى.