19:25, 10 - تامىز 2022 | GMT +5
اۆتوبۋستا بۇرىنعى ايەلىنە پىشاق الا جۇگىرگەن الماتىلىق ەكى ايعا قامالدى
الماتى. قازاقپارات - الماتىدا اۆتوبۋستا بۇرىنعى ايەلىن پىشاقتاماق بولعان ەر ادام ەكى ايعا قاماۋعا الىندى، دەپ حابارلايدى قازاقپارات ءتىلشىسى.
بۇل تۋرالى الماتى قالالىق سوتىنىڭ باسپا ءسوز قىزمەتى ءمالىم ەتتى.
«10- تامىز كۇنى الماتى قالالىق تەرگەۋ سوتىنىڭ قاۋلىسىمەن كۇدىكتىنى 2 ايعا دەيىنگى مەرزىمگە قاماۋدا ۇستاۋ بۇلتارتپاۋ شاراسى سانكسيالاندى. قاۋلى زاڭدى كۇشىنە ەنگەن جوق»، - دەپ حابارلادى الماتى سوتىنىڭ باسپا ءسوز قىزمەتى.
ەسكە سالا كەتەيىك، ءبىز بۇعان دەيىن الماتىدا ەر ادام قوعامدىق كولىكتە بۇرىنعى ايەلىن پىشاقتاماق بولعانىن جازعان بولاتىنبىز.
سونداي-اق، الماتى اكىمى الگى ايەلدى قۇتقارعان رايىمبەك مەدەتبەكتى ماراپاتتادى.
