استانا كوشەلەرىن تاعى دا جاڭبىر سۋى باسىپ قالدى - ۆيدەو

نۇر-سۇلتان. قازاقپارات - ەلوردادا قالا كوشەلەرىندەگى جاڭبىر سۋىن سورۋعا 60 تان استام تەحنيكا جۇمىلدىرىلدى، دەپ حابارلايدى قازاقپارات ءتىلشىسى.

«قالا بويىنشا سۋدى سورۋعا 60 تان استام تەحنيكا جۇمىلدىرىلدى. نوسەر كارىزى مەن تازارتۋ قۇرىلىسىن سالۋ جانە قۋاتىن كەڭەيتۋ بويىنشا جۇمىستاردى قالا اكىمدىگى جۇيەلى تۇردە جۇرگىزىپ جاتىر. مىسالى، بۇرىن 146 پروبلەمالىق ۋچاسكە نوسەر كارىزىن سالۋ ەسەبىنەن سۋ باسۋ ماسەلەسى شەشىلدى»، - دەپ اتاپ وتەدى ەلوردا اكىمدىگىنىڭ باسپا ءسوز قىزمەتىنەن.

اكىمدىكتىڭ اتاپ وتۋىنشە، 130 شاقىرىمنان استام نوسەر كارىزى مەن ارىق-ناۋا جۇيەسى سالىندى.

1 مىڭعا جۋىق باقىلاۋ، جاڭبىر قابىلداعىش قۇدىعى، سونداي-اق 20 شاقىرىم كوللەكتور تازارتىلىپ، 6,5 مىڭ قۇبىر بۋلاندىرىلدى.

الماتى اۋدانىندا (ش. قالداياقوۆ كوشەسى)، جاڭا ۆوكزال، ۇلى دالا داڭعىلىندا جانە تاعى باسقا جەرلەردە نوسەر كارىزىنىڭ قۇرىلىس جۇمىستارى جۇرگىزىلىپ جاتىر.