«مەكتەپكە جول»: كومەككە مۇقتاج اتىراۋلىقتار جەدەل جەلىگە حابارلاسا الادى
كومەككە مۇقتاج وتباسىلاردان ءوتىنىم قابىلداۋ ءۇشىن جەدەل جەلىلەر ىسكە قوسىلدى، دەپ حابارلايدى قازاقپارات.
وبلىستىق ءبىلىم باسقارماسى باسپا ءسوز قىزمەتىنىڭ مالىمەتىنشە، «مەكتەپكە جول» قايىرىمدىلىق اكسياسى ءوتىپ جاتىر.
«قايىرىمدىلىق ءىس- شاراسى اياسىنداعى كومەكتى كوپبالالى جانە از قامتىلعان، سونداي- اق اتاۋلى الەۋمەتتىك كومەك الاتىن وتباسىلاردىڭ بالالار الادى. قازىر وبلىستىڭ ءبىلىم بەرۋ مەكەمەلەرىندە جەدەل جەلىلەر ىسكە قوسىلىپ، ۇزدىكسىز جۇمىسى ۇيىمداستىرىلىپ وتىر. قيىن ومىرلىك جاعدايعا تاپ بولعان بارلىق بالا مەن اتا- انا كومەك سۇراي الادى. اكسياعا كەز كەلگەن ادام قاتىسا الادى. ەرىكتىلەر، بيزنەسمەندەر، مەتسەناتتار، ۇكىمەتتىك ەمەس ۇيىمدار مەن وزگە دە تۇرعىنداردىڭ مۇقتاج وتباسىلار مەن بالالارعا قولداۋ كورسەتۋىنە مۇمكىندىگى بار. مۇقتاج جاندار جەدەل جەلىلەر ارقىلى كومەك سۇراي الادى»، - دەيدى اتىراۋ وبلىستىق ءبىلىم باسقارماسى باسشىسىنىڭ مىندەتىن اتقارۋشى ايناگۇل دۇيسەكەنوۆا.
ونىڭ ايتۋىنشا، وقۋ- اعارتۋ مينيسترلىگى بالالاردىڭ قۇقىعىن قورعاۋ كوميتەتى «مەكتەپكە جول» رەسپۋبليكالىق قايىرىمدىلىق اكتسياسىنا باستاۋ بەردى. بالالار جىلىندا بۇل شارا «مەكتەپكە جول - شەكاراسىز جاقسىلىق» اتاۋىمەن ءوتىپ جاتىر. اكسيا 31-تامىزعا، ياعني جاڭا وقۋ جىلى باستالعانعا دەيىن جالعاسادى. «مەكتەپكە جول» اكسياسى اياسىندا كومەك الۋ ءۇشىن اتا- انالار ءبىلىم باسقارمالارى مەن مەكتەپتەرگە حابارلاسۋى قاجەت.
ەسكە سالا كەتەلىك، بۇدان بۇرىن اتىراۋ مۇنايشىلارى اسىراۋشىسىنان ايىرىلعان كوپبالالى اناعا پاتەر سىيلاعانىن حابارلاعان بولاتىنبىز.
