شاحمات وليمپياداسىندا ەلىمىزدىڭ ەرلەر قۇراماسى جەڭىسكە جەتتى

نۇر- سۇلتان. قازاقپارات - ءۇندىستاننىڭ چەنناي قالاسىندا ءوتىپ جاتقان شاحمات وليمپياداسىندا ەلىمىزدىڭ ەرلەر قۇراماسى التىنشى جەڭىسىنە قول جەتكىزدى، دەپ حابارلايدى قازاقپارات ءتىلشىسى.

قازاقستاندىق شاحماتشىلار حورۆاتيانى 3:1 ەسەبىمەن ءسۇرىندىردى. قۇراما ساپىنان الىشەر سۇلەيمەنوۆ جانە ارىستانبەك ورازايەۆ جەڭىسكە جەتسە، رينات جۇمابايەۆ پەن قازىبەك نوگەربەك تەڭ ناتيجەگە قاناعات ءبىلدىردى.

وسىلايشا ەل قۇراماسى وليمپيادادا جەتى مارتە جەڭىسكە قول جەتكىزىپ، ءۇش مارتە قارسىلاستارىنا ەسە جىبەردى. ەرلەر قۇراماسى بۇعان دەيىن ليۆان مەن لاتۆيانى 4:0، قىتاي تايبەيىن 3:1، ماروككو، چەحيا، يسپانيانى 2,5:1,5 ەسەبىمەن جەڭىپ، تاجىكستان، ازەربايجانعا 1,5:2,5, سەربياعا 1:3 ەسەبىمەن ەسە جىبەرگەن- ءدى. ناتيجەسىندە وليمپيادا رەيتينگىندە 25-ورىننان 20-ورىنعا كوتەرىلدى.

العاشقى ەكى ورىندا وزبەكستان جانە ارمەنيا قۇرامالارى كەلەدى. ەسكە سالساق، بۇگىن ەلىمىزدىڭ قىزدار قۇراماسى ءۇندىستاننان جەڭىلىپ قالعانىن جازعان ەدىك.