قوردايدا توي كورتەجىندەگى كولىكتەن اسپانعا وق اتقاندار جازالاندى
7-تامىزدا قورداي اۋىلىنىڭ كوشەلەرىمەن ءجۇرىپ وتكەن توي كورتەجىندەگى اۆتوكولىكتەردىڭ جۇرگىزۋشىلەرى ءبىرقاتار زاڭ بۇزۋشىلىقتار ءۇشىن پوليسيا بولىمىنە جەتكىزىلدى. اتاپ ايتقاندا، Lexus 570 اۆتوكولىگىنىڭ 23 جاستاعى جۇرگىزۋشىسى جولدىڭ قارسى باعىتىنا شىققانى ءۇشىن ق ر اكىمشىلىك قۇقىق بۇزۋشىلىق تۋرالى كودەكستىڭ 596-بابى 3-بولىگىمەن، مەملەكەتتىك ءنومىرسىز جۇرگەنى ءۇشىن 590-باپتىڭ 2-بولىگىمەن جانە 590-باپتىڭ 10-بولىگىمەن («الدىڭعى تەرەزەسىنە پەردە سالۋ») اكىمشىلىك جاۋاپكەرشىلىككە تارتىلدى.
وسى اۆتوكولىكتەن قارۋمەن جوعارىعا وق اتقانى ءۇشىن 21 جاسار اۋىل تۇرعىنى ق ر ا ق ب ت ك 436-بابىنىڭ 1-بولىگىمەن جاۋاپكەرشىلىككە تارتىلىپ، تىركەلگەن اڭشى مىلتىعى تاركىلەنىپ الىندى. سونداي- اق، وق اتقان Toyota Land Cruiser اۆتوكولىگىنىڭ جۇرگىزۋشىسىنە قاتىستى ق ر ا ق ب ت ك 436-بابىنىڭ 1-بولىگىمەن جانە ق ر ا ق ب ت ك 484-بابىنىڭ 1-بولىگىمەن («قارۋدى ساقتاۋعا ىشكى ىستەر ورگاندارىنىڭ رۇقساتى بار ادامداردىڭ ازاماتتىق قارۋدى تاسىمالداۋ ەرەجەسىن بۇزۋ») اكىمشىلىك حاتتاما تولتىرىلدى.
سونىمەن قاتار، مەملەكەتتىك ءنومىرسىز جۇرگەنى ءۇشىن قر ا ق ب ت ك 590-بابىنىڭ 2-بولىگىمەن، ق ر ا ق ب ت ك 230-بابىنىڭ 2-بولىگىمەن («ق ر مىندەتتى ساقتاندىرۋ تۋرالى زاڭناماسىن بۇزۋى»)، ق ر ا ق ب ت ك 590-بابىنىڭ 9-بولىگىمەن («مەملەكەتتىك نەمەسە مىندەتتى تەحنيكالىق قاراپ- تەكسەرۋدەن وتپەگەن كولىك قۇرالىن باسقارۋ») اكىمشىلىك حاتتاما تولتىرىلدى. اڭشى مىلتىعى تاركىلەندى.
سونىمەن قاتار، جولدىڭ قارسى باعىتىنا شىققانى جانە دريفت جاساعانى ءۇشىن mercedes-benz S55 اۆتوكولىگىنىڭ 22 جاستاعى جۇرگىزۋشىسىنە قاتىستى ق ر اقبتك 596-بابىنىڭ 3-بولىگىمەن، ق ر ا ق ب ت ك 230-بابىنىڭ 2-بولىگىمەن («ق ر مىندەتتى ساقتاندىرۋ تۋرالى زاڭناماسىن بۇزۋ»)، 630-بابىنىڭ 1-بولىگىمەن («جول جابىندىسىن ءبۇلدىرۋ») اكىمشىلىك حاتتاما تولتىرىلدى. ءىستىڭ بارلىق ماتەريالدارى اۋداندىق سوتقا جولدانادى. پوليتسيا قىزمەتكەرلەرى وسى توي كورتەجىنە قاتىسقان باسقا دا اۆتوكولىك يەلەرىن انىقتاپ، ۇستاۋ بويىنشا شارالار جۇرگىزىپ جاتىر.
