پاندەميادان بۇرىن ساياحاتقا شىققان تەڭىزشى ۇيىنە ورالدى
ول ءۇش جىلدان استام ۋاقىت بۇرىن سول جەردەن الەمدى اينالىپ شىعۋعا اتتانىپ، پاندەميا بىتكەندە جەڭىسپەن ورالدى، دەپ حابارلايدى قازاقپارات ەuronews-كە سىلتەمە جاساپ.
تەڭىزشى گاراجىندا جاساپ العان ءوزىنىڭ جەلكەندى قايىعىمەن ساياحاتتادى. ءتورت مەترلىك قايىعى «باليۋشون» دەپ اتالادى، اۋدارماسى تاياققا بايلاپ، يىققا اسىپ جۇرەتىن تۇيىنشەك ماعىناسىن بىلدىرەدى. ونىڭ شاعىندىعى سونداي، ەڭ قاجەتتى زاتتان ارتىق ەشتەڭە سىيمايدى. كەنە قاندايدا ءبىر رەكورد جاساۋ ءۇشىن ەمەس، تەك ءوزىنىڭ قالاۋىمەن جولعا شىققانىن ايتادى. ول كەلە- سالا كەلەسى ساياحاتى تۋرالى ويلاستىرىپ ۇلگەرگەن.
«مەن جاڭا جەلكەندى قايىق جاساعىم كەلەدى. كىشكەنتاي، وتە كىشكەنتاي. ۇلكەن كەمەلەردى اسا ۇناتپايمىن، ولار «ۇلكەن»، بايسالدى ادامدارعا ارنالعان. ال، مەن ونداي ەمەسپىن. جاڭا قايىقپەن كانادانىڭ سولتۇستىگىنە قىستاۋعا بارامىن. ول جەردە قالاي بولاتىنىن ءالى بىلمەيمىن، ءبىراق بۇل مەنىڭ جاڭا ماقساتىم: قىستى قيىر سولتۇستىكتە وتكىزۋ».
تەڭىزشى ساياحاتتا جۇرگەن كەزدە پاندەميا باستالدى جانە اياقتالدى. دەگەنمەن، ىندەت ونىڭ جوسپارىنا اسەر ەتپەي قويمادى. باستاپقىدا كەنە قايىعىن كولىكتىڭ توبەسىنە تيەپ، اۆستراليانى قۇرلىقپەن كەسىپ وتكىسى كەلگەن. ءبىراق، شەكارالاردىڭ جابىلۋىنا بايلانىستى تەڭىز ارقىلى اينالىپ وتۋىنە تۋرا كەلىپتى.
