قانشا قازاقستاندىق زەينەتاقى جيناعىن باسپانا مەن ەمگە جۇمساعان
«1- تامىزداعى جاعداي بويىنشا، زەينەتاقى قاراجاتى ەسەبىنەن تۇرعىن ءۇي جاعدايىن جاقسارتۋ ءۇشىن 1328015 ءوتىنىش ورىندالدى. بۇل ماقساتتا ازاماتتاردىڭ شوتتارىنا جالپى سوماسى 3,1 تريلليون تەڭگەدەن اساتىن قارجى اۋدارىلدى. ءار ازاماتقا بەرىلگەن زەينەتاقى قاراجاتىنىڭ ورتاشا سوماسى - 2,4 ميلليون تەڭگە»، - دەلنىگەن ب ج زق حابارلاماسىندا.
سونىمەن قاتار، 380 مىڭنان استام قازاقستاندىق ەمدەلۋ ءۇشىن زەينەتاقى جيناقتارىن جۇمساعان.
«ب ج ز ق ەمدەلۋ ءۇشىن بەرىلگەن 388824 ازاماتتىڭ ءوتىنىشىن قاراپ، ولارعا جالپى سوماسى 302,5 ميلليارد تەڭگە اۋداردى. ورتا ەسەپپەن ءار ازامات 800 مىڭ تەڭگە الدى»، - دەپ ءمالىم ەتتى قوردىڭ باسپا ءسوز قىزمەتىنەن.
زەينەتاقى قورىنىڭ مالىمەتىنشە، اۋدارىلعان اقشانى پايدالانباعان تۇرعىندار دا از ەمەس. ماسەلەن، «وتباسى بانكىنە» اۋدارىلعان 31,3 ميلليارد تەڭگە بەلگىلەنگەن مەرزىم ىشىندە پايدالانىلماي، كەرى قايتارىلعان.
