قىتايدىڭ كۋرورتتىق قالاسى كوبيتتىڭ جاڭا تولقىنىمەن كۇرەسىپ جاتىر
ەپيدەمياعا قارسى كۇرەسكە دارىگەرلەر، ىندەتتىڭ الدىن الۋ جانە باقىلاۋ قىزمەتكەرلەرى مەن 4000 نان استام ەرىكتى قوسىلدى، دەپ حابارلايدى قازاقپارات شينحۋا اگەنتتىگىنە سىلتەمە جاساپ.
حاينان پروۆينتسياسىنىڭ دەنساۋلىق ساقتاۋ كوميتەتى بۇگىن حابارلاعانىنداي، 1-7- تامىز ارالىعىندا سانيا قالاسىندا COVID-19 ينفەكتسياسىن جەرگىلىكتى جۇقتىرۋدىڭ 801 جاعدايى جانە جەرگىلىكتى جۇقتىرعان 409 اسيمپتوماتيكالىق كوروناۆيرۋس تاسىمالداۋشىلارى تىركەلدى.
قالادا قالعان 80 مىڭنان استام ءتۋريستىڭ جول اقىسىن وتەۋدى قوسا العاندا، باسقا دا تاپ بولعان قيىندىقتارىن شەشۋ ءۇشىن ارنايى جۇمىس توبى قۇرىلدى. سونداي-اق، قالا اكىمشىلىگى قوناقۇيلەردە ولارعا 50 پايىزدىق جەڭىلدىك جاسالۋىن تاپسىردى.
سانيا قالاسى اكىمشىلىگىنىڭ جاۋاپتى حاتشىسى تسزي دۋانجۋننىڭ ايتۋىنشا، 6900 دەن استام بولمەسى بار 33 قوناق ءۇي ناۋقاستارمەن تىعىز نەمەسە قايتالاما بايلانىستا بولعان ادامدار ءۇشىن كارانتيندى وتكىزۋ ورنى رەتىندە انىقتالعان.
