تۇركيادا لاڭكەستەرگە قارسى وپەراتسيانىڭ كەزەكتى كەزەڭى باستالدى
تۇركيا ىشكى ىستەر مينيسترلىگى 44 جەدەل توپ قۇرامىندا 528 پوليتسيا مەن جاندارمەريا ارنايى جاساقتارى قاندى ۇيىم سودىرلارىن انىقتاۋ جانە جويۋ ءۇشىن باگوك اۋدانىن تەكسەرىپ جاتقانىن حابارلادى.
وپەراتسيانىڭ ماقساتى - تەررور ۇيىمىمەن كۇرەسۋ جانە ەلدىڭ وڭتۇستىك- باتىسىنداعى قىلمىستى تولىعىمەن جويۋ.
پرەزيدەنت رەجەپ تايىپ ەردوعان بۇدان بۇرىن تۇركيادا ر ك ك سودىرلارىنىڭ تۇركيادا العاش رەت لاڭكەستىك ارەكەت جاساعان 1984 -جىلدان بەرى وسى قاندى ۇيىمنىڭ قولىنان ەلدىڭ مىڭداعان قاۋىپسىزدىك كۇشتەرى، اسكەريلەر مەن بەيبىت تۇرعىندارى قازا تاپقانىن ايتتى. ا ق ش پەن ەۋرووداق ر ك ك- نى تەررور ۇيىمى تىزىمىنە ەنگىزدى.
سوڭعى جىلدارى ر ك ك ايماقتاعى قاندى قىلمىستار ءۇشىن جاۋاپكەرشىلىكتى ءوز تارماقتارىنا اۋدارۋعا تىرىستى. سيريادا PKK لاڭكەستەرى PYD جانە YPG ەسىمدەرىن جامىلىپ، سوڭعى ەكى جىلدا وزدەرىن «سيريا دەموكراتيالىق كۇشتەرى» دەپ اتادى. ال يراندا بولسا «كۇردىستان ەركىن ءومىر پارتياسى» (PJAK) رەتىندە ارەكەت ەتۋدە.
فوتو:aa.com.tr
اۆتور زارينا تۋعانبايەۆا
