رەسەي تۇقىم يمپورتىنا تىيىم سالۋى مۇمكىن
بۇل تۋرالى كورشى ەلدىڭ بۇقارالىق اقپارات قۇرالدارى حابارلادى.
رەسەي اۋىل شارۋاشىلىعى مينيسترلىگى وڭىرلەردىڭ بيلىگىنە ەلگە يمپورتتىق تۇقىم اكەلۋگە تىيىم سالىنۋى مۇمكىن ەكەنىن ەسكەرتتى، دەپ جازادى «كوممەرسانت» باسىلىمى.
ۇكىمەت رەسەيگە قارسى سانكسيالارعا جاۋاپ رەتىندە وسىنداي شارالاردى قابىلداعىسى كەلەدى.
باسىلىم دەرەككوزدەرىنىڭ حابارلاۋىنشا، مينيسترلىك باسشىسىنىڭ ورىنباسارى وكسانا لۋت 2- تامىزدا وتكەن كەڭەستە تۇقىم اكەلۋگە تىيىم سالۋ تۋرالى ىقتيمال شەشىم تۋرالى مالىمدەگەن. ەگەر ەل بيلىگى رەسمي تۇردە وسىنداي شەشىم قابىلداسا، بۇل جەرگىلىكتى تۇقىم وندىرۋشىلەردىڭ وسۋىنە جول اشادى. ءبىراق يمپورتتى الماستىرۋ بىردىندەپ ىسكە اسۋ كەرەك دەيدى ەلدىڭ وسى سالا ماماندارى.
«رەسەيگە قانت قىزىلشاسى تۇقىمىنىڭ % 97، كۇنباعىس تۇقىمىنىڭ % 77 جانە جۇگەرى ءدانىنىڭ % 50 دەيىن شەتەلدەن اكەلىنەدى. بۇل رەتتە 30 پايىزعا دەيىن يمپورتتالاتىن كارتوپ تۇقىمدارىنا دا تىيىم سالىنۋى مۇمكىن» دەلىنگەن حابارلامادا.
