سەنات ماقۇلداعان زاڭ جوباسى دجو بايدەننىڭ رەيتينگىسىن كوتەرەدى
سەنات ينفلياتسيانى تومەندەتۋ تۋرالى زاڭدى قابىلدادى. وعان تازا ەكولوگيالىق ەنەرگيا سالاسىنداعى باستامالاردىڭ رەكوردتىق شىعىندارى، رەتسەپت بويىنشا بەرىلەتىن ءدارى- دارمەكتەردىڭ باعاسىن تومەندەتۋ شارالارى جانە ءىرى كورپوراتسيالارعا تابىس سالىعىن تولەۋ ءۇشىن سالىقتى قايتا قاراۋ كىرەدى.
كليماتتىڭ وزگەرۋ ماسەلەسىن شەشۋ ءۇشىن زاڭ جوباسىندا ەلەكتروموبيلدەر، كۇن پانەلدەرى جانە جەل تۋربينالارىن وندىرۋگە 10 ميلليارد دوللار سالىق جەڭىلدىكتەرى؛
ەلەكتروموبيلدەردى ساتىپ الۋ كەزىندە تۇتىنۋشىلار ءۇشىن 7,5 مىڭ دوللار سالىق جەڭىلدىكتەرى؛
تابىسى از امەريكالىقتار ءۇشىن ەنەرگيانى ۇنەمدەيتىن ءۇيدى جاڭارتۋعا 9 ميلليارد قاراستىرىلعان. ەلەكتروموبيل ءوندىرۋ زاۋىتتارىن قولداۋ ءۇشىن نەسيەگە 20 ميلليارد دوللارعا دەيىن، فەرمەرلەرگە كليماتتىڭ وزگەرۋىمەن كۇرەس جۇمىستارىنا كومەكتەسۋ ءۇشىن 20 ميلليارد دوللار جانە قالالار مەن شتاتتار ءۇشىن كوممۋنالدىق قىزمەتتەردى ەكولوگيالىق تازا ەلەكتر ەنەرگياسىنا اۋىستىرۋعا 30 ميلليارد دوللار ءبولۋ كوزدەلگەن.
وسى جانە باسقا دا شارالاردى تولەۋ ءۇشىن زاڭ جوباسىندا 15 پايىزدىق ەڭ تومەنگى كورپوراتيۆتىك سالىق بەلگىلەنەدى. زاڭ جوباسى دەموكراتيالىق باقىلاناتىن وكىلدەر پالاتاسىنا داۋىس بەرۋگە باعىتتالعان، وندا جۇما كۇنى قابىلدانۋى مۇمكىن.
فوتو:the-sun.com
رەداكتور ەربول جانات
