افريكا ەلىندە جاپپاي اشارشىلىق بولۋى مۇمكىن

نۇر- سۇلتان. قازاقپارت - سوماليدىڭ سەگىز ايماعىندا جاپپاي اشارشىلىق قاۋپى بار. بۇل تۋرالى قازاقپارات ب ۇ ۇ جاڭالىقتارى سايتىنا سىلتەمە جاساپ حابارلايدى.

ساراپشىلار پىكىرىنشە، ەگەر ەلدە قۇرعاقشىلىق پەن نەگىزگى تاۋارلار باعاسىنىڭ ءوسۋى جالعاسا بەرسە، ال حالىقتىڭ ەڭ وسال توپتارىنا گۋمانيتارلىق كومەك جەتكىزىلمەسە، ەل تۇرعىندارى وسىنداي قاۋىپكە بيىلعى جىلدىڭ قىركۇيەك ايىنىڭ باسىندا تاپ بولادى.

بىلتىرعى قاڭتاردان بەرى قۇرعاقشىلىق پەن كۇنكورىستىڭ ناشارلاۋىنا بايلانىستى ەلدىڭ 900 مىڭنان استام تۇرعىنى ىشكى كوشى- قون لاگەرلەرىنە قونىستاندىرىلدى. بىرىككەن ۇلتتار ۇيىمىنىڭ ازىق- تۇلىك جانە اۋىل شارۋاشىلىعى ۇيىمىنا (ف ا و) ولارعا جەدەل كومەك كورسەتۋ ءۇشىن شۇعىل تۇردە 131,4 ميلليون دوللار قاجەت. قازىرگى ۋاقىتتا ۇيىمنىڭ سوماليدەگى اشارشىلىقتىڭ الدىن الۋ شارالارى نەبارى 46 پايىز قارجىلاندىرىلعان.

فوتو: news.un.org

اۆتور زارينا تۋعانبايەۆا